နင်က မေးခွန်းတွေ အမြဲတမ်းထုတ်နေတာပဲ ဂျူလီ

နင်က မေးခွန်းတွေ အမြဲတမ်းထုတ်နေတာပဲ ဂျူလီ

ခွေးသွားစိပ်တွေကို ဘယ်သူတီထွင်ခဲ့လဲဆိုတာ ငါနဲ့ မဆိုင်ဘူး။ အရေးကြီးတာက မင်းနဲ့ငါ မှန်မှန်လည်ပတ်ဖို့။ မင်းက အပြာရောင်ကို ဘယ်သူစတွေ့တာလဲ သိချင်တယ်။ ငါပြောပြချင်တာက မိုဒီကလီလျာနီရဲ့ သတို့သားနဲ့ သတို့သမီးပန်းချီကားအကြောင်း။ နောက်ထပ် ငါမကြားချင်တဲ့ မေးခွန်းအဟောင်းက ချစ်လား ချစ်ရဲ့လား ဆိုတာ။ ငါလမ်းလျှောက်တဲ့အခါ ဘယ်ခြေပဲလှမ်းလှမ်း လိုရာခရီးရောက်ဖို့ပဲ အဓိကမဟုတ်ဘူးလား ဂျူလီ။ ငါစိတ်ဆိုးတော့ မင်းက နာရီစမှတ်တယ်။ နောက်ထပ်မေးတဲ့ မေးခွန်းက အရင်တစ်ခါ စိတ်ဆိုးတာ ဘယ်လောက်ကြာသလဲတဲ့။ အိုဘားမားက ဘယ်နှယောက်မြောက် အမေရိကန်သမ္မတလဲဆိုတာ ငါမဖြေတတ်ဘူး ဂျူလီ။ အာဒံနဲ့ ဧဝ ကလေးဘယ်နှယောက်ရလဲဆိုတာ ငါမှတ်မထားမိဘူး ဂျူလီ။ ပြည်တွင်းစစ် ဘယ်သူစသလဲ။ ငြိမ်းချမ်းရေး ဘယ်တော့ရမလဲ ကအစ နင့်မွေးနေ့ကို မမှတ်မိတာ။ နင့်ဖုန်းနံပါတ်အလွတ်မရတာ။ နင်စီးတဲ့ ဖိနပ်ဆိုဒ်နံပါတ် မပြောနိုင်တာအဆုံး။ ငါမဖြေနိုင်ခဲ့တာ ငါ့ အားနည်းချက်ပါ။ နင်ဖြေခိုင်းတဲ့ စာမေးပွဲမှာ ငါ့အဖြေလွှာဟာ အောင်မှတ်ရနိုင်ပါ့မလား။ နင်မေးလိုက်တဲ့ အင်တာဗျူးမှာ ငါ့ဗဟုသုတဟာ လုံလောက်မိရဲ့လား။ နင်ဟာ မသိခြင်းများစွာနဲ့ နှာစေးနေတဲ့ ယုန်မလေးလား ဂျူလီ။ နင့်အပြစ်ကင်းစင်မှုမှာ ငါဟာ အားပါးတရပျော်ရွှင်လို့။ နင်မေးတဲ့ မေးခွန်းတိုင်းကို့ ငါက ခေါင်းတခါခါလုပ်လို့။ ငါတို့ မသိခြင်းများစွာနဲ့ အားပါးတရ ရယ်ကြတယ်။ ငါတို့ အခုလိုရယ်မောနိုင်တာ နောက်ထပ်ဘယ်လောက်ကြာဦးမလဲ နင်မမေးနဲ့။ ငါတို့ မသိခြင်းကပဲ ငါတို့ကို ရယ်မောစေခဲ့တာပါ ဂျူလီ။ ငါလက်ကို တွဲပါ။ ငါတို့နှစ်ယောက်ပေါင်းပြီး ကမ္ဘာကြီးကို မေးခွန်းတစ်ခု မေးရအောင်။ မေးခွန်းတိုင်းမှာ အဖြေရှိသလား။

မင်းနဒီခ

၁၅၊ စက်တင်ဘာ၊ ၂၀၁၃

ဟာကွက်

ဟာကွက်

ဒီနေ့
သမ္မတကြီးနဲ့ လက်ဝှေ့ထိုးဖြစ်တယ်
သမ္မတကြီးက
စည်းစနစ်ကျကျ လှလှပပ ထိုးသတ်ပါတယ်
ဆက်တိုက်ထိုးချက်တွေလည်း ကောင်းပါတယ်
အဲဒီလို အထိုးခံနေရချိန်မှာပဲ
သမ္မတကြီးရဲ့ ဟာကွက်တစ်ကွက်ကို တွေ့လိုက်တယ်
ချက်ကောင်းမိရင် ပွဲသိမ်းသွားနိုင်တဲ့ ဟာကွက်တစ်ခုပေါ့
ဒါပေမယ့်
ကျွန်တော် မထိုးဖြစ်ခဲ့ဘူး
သူက သမ္မတကြီးလေ
ပွဲပြီးတော့ ကျွန်တော်အမှတ်နဲ့ ရှုံးတယ်
အိမ်ဖြူတော်လေ့ကျင့်ကွင်းက ပြန်တော့
သမီးက မေးတယ်
ဖေဖေက ဘယ်တော့မှ နိုင်မှာလဲ တဲ့
နောက်တစ်ကြိမ်ပေါ့ကွယ် ဆိုတော့
အဲဒီနောက်တစ်ကြိမ်က ဘယ်တော့လဲ ဖေဖေ တဲ့
သမီးရယ်
နောက်တစ်ကြိမ်က
သမ္မတကြီး အနားယူပြီးတဲ့ အချိန်ပေါ့ ကွယ်လို့
ဖြေလိုက်တယ်
အိမ်အပြန်လမ်းမှာ
သမီးက တခစ်ခစ်ရယ်လို့
ကျွန်တော်က လက်သီးကို ကျစ်ကျစ်ပါအောင် ဆုပ်လို့။

မင်းနဒီခ
၂၂ နိုဝင်ဘာ ၂၀၁၃
(OLYMPUS HAS FALLEN ရုပ်ရှင်ဇာတ်ကားမှ ဇာတ်ဝင်ခန်းတစ်ခန်းကို ခံစားရေးဖွဲ့ပါသည်)

ကျွန်တော် ကဗျာဆရာတစ်ယောက်ပါ

ကျွန်တော် ကဗျာဆရာတစ်ယောက်ပါ ( ကဗျာဝတ္ထု) 

`ကျွန်တော် ကဗျာဆရာတစ်ယောက်ပါ´

`ကျွန်တော် ကဗျာဆရာတစ်ယောက်ပါ ´ လို့ ပြောတော့ ဘယ်သူမှ မယုံကြဘူး။

`ကျွန်တော် ကဗျာဆရာ တစ်ယောက်ပါ´လို့ ထပ်ပြောတယ်။

`ကျွန်တော် ကဗျာဆရာတစ်ယောက်ပါ´ `ကျွန်တော့်ကလောင်နာမည် မင်းနဒီခပါ´ ဆိုတော့

အားလုံးက ၀ိုင်းရယ်ကြတယ်။

`ကျွန်တော် ကဗျာဆရာတစ်ယောက်ပါ´`ကျွန်တော်ရဲ့ပထမဆုံးကဗျာစာအုပ်က

ပိုးသားရောင်ပင်လယ်လမ်းပါ´

`ကျွန်တော် ကဗျာဆရာတစ်ယောက်ပါ´လို့ ထပ်ပြောလိုက်တော့

      လူတွေအားလုံးမျက်မှောင်ကျုံ့သွားတယ်။

`ကျွန်တော် ကဗျာဆရာတစ်ယောက်ပါ´`ကျွန်တော်အမှန်တရားဘက်ကနေ

    အမြဲတမ်းရပ်တည်ပါတယ်´

`ကျွန်တော်ကဗျာဆရာတစ်ယောက်ပါ´`ကျွန်တော်အကြမ်းဖက်ဝါဒကိုဆန့်ကျင်ပါတယ်လို့ ပြောတော့

     လူတစ်ချို့က တံတွေးကို ထွီကနဲ့ မည်အောင် ထွေးတယ်´

`ကျွန်တော် ကဗျာဆရာတစ်ယောက်ပါ´`ကျွန်တော်က အာဏာရှင်စနစ်နဲ့

ခရိုနီစီးပွားရေးကို ဆန့်ကျင်သူတစ်ယောက်ပါ´

`ကျွန်တော် ကဗျာဆရာတစ်ယောက်ပါ´`ကျွန်တော်မောင်ချောနွယ်နဲ့

        ဇေယျာလင်းကိုနှစ်သက်မိသူပါ´

`ကျွန်တော် ကဗျာဆရာတစ်ယောက်ပါ´` နေမျိုးနဲ့ ကိုငြိမ်း(မန္တလေး)ကို ကိုးကွယ်ခဲ့ပါတယ်´

`ကျွန်တော် ကဗျာဆရာတစ်ယောက်ပါ´`ကျွန်တော်မှာ ဇနီးတစ်ယောက်နဲ့

သမီးတစ်ယောက်ရှိပါတယ်´

`ကျွန်တော် ကဗျာဆရာတစ်ယောက်ပါ´`ချစ်ခြင်းတရား၊ ပရီးမီးယားလိဂ်နဲ့

      ခေါင်းကိုက်ပျောက်ဆေးတွေကို ကြိုက်ခဲ့ပါတယ်´

`ကျွန်တော် ကဗျာဆရာတစ်ယောက်ပါ´`ကျွန်တော်ရင်ထဲမှာ မပေါက်ကွဲသေးတဲ့ မီးတောင်တစ်လုံးနဲ့

                                                                   မပျံသန်းရသေးတဲ့ ငှက်တစ်ကောင်ရှိပါတယ်´

`ကျွန်တော် ကဗျာဆရာတစ်ယောက်ပါ´`အရက်မသောက်တတ်တာနဲ့

                                      ကဗျာမရွတ်တတ်တာကလွဲရင် ကျွန်တော်ကဗျာဆရာ တစ်ယောက်ပါ´

`ကျွန်တော် ကဗျာဆရာတစ်ယောက်ပါ´ `နေကောင်းရက်သာလေးတစ်ခုနဲ့

                                                     ခြေခင်းလက်ခင်းကောင်းတဲ့ နေရာလေးရောက်ရင်ပြောပါ´

`ကျွန်တော် ကဗျာဆရာတစ်ယောက်ပါ´`ဘယ်သူ့ကိုမှ မပြရသေးတဲ့ ကဗျာလေးတစ်ပုဒ်ကို

ခင်ဗျားကို ဖတ်ပြမှာ´

`ကျွန်တော် ကဗျာဆရာတစ်ယောက်ပါ´။ 

                အဲဒီလိုပြောပြီးတော့ ကဗျာစာရွက်တွေနဲ့ လေးလံနေတဲ့ လွယ်အိတ်လေးကို ကောက်လွယ်လိုက်တယ်။ အစီခံမီးလောင်လုဆေးပေါ့လိပ်လေးကို မီးပြန်ညှိလိုက်တယ်။ ပုဆိုးကိုခပ်တိုတိုပြင်ဝတ်ပြီး ရောက်နေတဲ့  နေရာက
လှည့်ထွက်လိုက်တယ်။ ကောင်းကင်ကို မော့ကြည့်လိုက်တော့ စကားလုံးတွေ တရွေ့ရွေ့စီးမျောလို့။
`ကျွန်တော် ကဗျာဆရာတစ်ယောက်ပါ´။

(အသံများ) ထင်တော့ ထင်တယ်ဗျ။ ဒီလူကဗျာဆရာတစ်ယောက်ဆိုတာ။

(အသံများ) ကျွန်တော်ပြောသားပဲ။ ဒီလူက ကဗျာဆရာအစစ်ပါဗျာ။

(အသံများ) `ကျွန်တော် ကဗျာဆရာတစ်ယောက်ပါ´လို့ ပြောတုန်းက ကျွန်တော်မယုံခဲ့ဘူး။

(အသံများ) ဒီကဗျာဆရာရဲ့ ကလောင်နာမည်ကို ကျွန်တော်ကြားဖူးနေတယ်လို့ စိတ်ထဲထင်နေတာ။

(အသံများ) ဒီခေတ်ကြီးထဲမှာဗျာ။

(အသံများ) အချိန်တော်တော်ကုန်သွားတယ်။

(အသံများ) ကားဟွန်းသံများ။

(အသံများ) တောက်ခေါက်သံများ။

(အသံများ) အော်ဟစ်ဆဲရေးသံများ။

(အသံများ) ယာဉ်ထိန်းရဲမှ ခရာမှုတ်သံများ။

(အသံများ) ဟာ

(အသံများ) (ယခုကွင်းစကွင်းပိတ်ထဲမှ အသံများကို ဖော်ပြရန် စကားလုံးမရှိ)

(အသံများ) `ကျွန်တော် ကဗျာဆရာတစ်ယောက်ပါ´။

`ကျွန်တော် ကဗျာဆရာတစ်ယောက်ပါ´။ 

           သူတကာခင်းတဲ့လမ်း လျှောက်ရမှာ အားနာလို့ ကျွန်တော် ကိုယ့်လမ်းကိုယ်ဖောက်ခဲ့ပါတယ်။ `ကျွန်တော် ကဗျာဆရာတစ်ယောက်ပါ´။

မင်းနဒီခ

၂၉၊ အောက်တိုဘာ၊ ၂၀၁၃