Sunday, June 18, 2017

အေးမြ

အေးမြ
အေးမြ
ဆံပင်ရှည်ရှည်လေးကို နှစ်ဖက်ခွဲစည်းထားတာ
ညိုညက်ညက်ပါးပြင်ပေါ်ပါးကွက်ပါးပါးလူးထားတာ
အေးမြ
ပြုံးလိုက်တိုင်း
ကလေးတစ်ယောက်လို ရှင်းသန့်ဖြူစင်လို့
အေးမြ 


ကြည့်လိုက်တိုင်း
ရိုးသားမှုက အထင်းသားပေါ်လွင်လို့
အေးမြ
သူ့အနားရောက်တိုင်း
မြင်သူတိုင်းကို အေးမြစေလို့
အေးမြ
နေ ဘယ်လို ပြင်းပြင်း
နွေ ဘယ်လောက်ပူပူ
ချစ်တဲ့ စိတ်နဲ့ပဲ အေး တယ်
ချစ်တဲ့ စိတ်နဲ့ပဲ မြ တယ်
အေးမြ
ဘယ်လောက်ဝေးဝေး
ဘယ်လောက်ကွာကွာ
မမြင်မတွေ့ရဘဲ
နာမည်လေး ကြားလိုက်မိရင်ကို
အေးပြီး မြလို့။
မင်းနဒီခ
၁၉၊ ၂၊ ၂၀၁၆
( မကွေးခရီးစဉ်တလျောက်လုံး ဂရုစိုက်ကူညီပေးခဲ့တဲ့ ညီငယ် အောင်ကိုမြတ်အတွက် လက်ဆောင်ပါ)

အမှတ်တရပြောပြိုင်ပွဲ

အမှတ်တရပြောပြိုင်ပွဲ

ချစ်သူရေ
ငါတို့ အမှတ်တရအပြောပြိုင်ရအောင်
နိုင်တဲ့သူက ရှုံးတဲ့သူကို အနမ်းလက်ဆောင်တစ်ခါပေးကြေးပေါ့ 
ဘယ်လိုလဲ
ငါ့ဗီရိုလေးထဲက စာရွက်ခေါက်လေးအကြောင်း ငါ စပြောရင်
မင်း ရှက်နေမလား
ဒါမှမဟုတ်
မင်းလက်ဆောင်ပေးတဲ့ နေဗီယာ ဒေးခရင်မ်အကြောင်းက စပြောရမလား
မင်္ဂလာဆောင်မယ့်သတို့သား စက်နှိုးမရတဲ့ ကားတွန်းခဲ့ရတာ
အရင်ပြောရမလား
ငါ့ စက်ဘီးကယ်ရီယာခုံလေးနောက်မှာ စီးချင်တယ်ပြောတဲ့နေ့မှ
စက်ဘီး ပေါက်နေတာ ငါတမင်လုပ်တာ မဟုတ်ဘူးနော်
အဲဒီနေ့က
စိတ်ဆိုးနေတဲ့ကောင်လေးကို ကော်ပြန့်လိပ်ဝယ်ပြီး လာပို့ခိုင်းတာ ဘယ်သူလဲ
အဲဒီ နယူးရီးယားမှာ ပထမဆုံး မင်းမောင်းတဲ့ဆိုင်ကယ်နောက်က ထိုင်စီးဖူးတာလေ
ငါက ငါ့ကို ဖြတ်သွားတဲ့ မင်းကို ပြန်ဆက်ဖို့ ကြိုးစားနေတုန်း
ငါ လက်မှတ်ဖြတ်ထားတဲ့ ကားက ငါ့ရှေ့ကနေ ဖြတ်သွားတဲ့အကြောင်း ပြောရမလား
စိတ်ဆိုးဆိုးနဲ့ ရေထချိုး ဆောင်းညကြီးနဲ့မှ တည့်တည့်တိုးတာ ပြောရမလား
၁၂ ရက်နေ့ အကြောင်း ငါ အမှတ်ရသလို မင်းလည်း အမှတ်ရမှာမို့
ငါ အရင်ပြောရမလား မင်း ပြောဖို့ ချန်ထားပေးရမလား
၆ ရက်နေ့မှာ ပေးတဲ့ လက်ဆောင်တွေကို ငါမမေ့ဘူးဆိုရင်
၁၈ ရက်နေ့မှာ ပေးတဲ့ လက်ဆောင်တွေကို မင်း ပြောတော့မှာ ငါသိတယ်
အဲဒီနေ့က ငါက ကျိုင်းတုံမှာ
ဆက်သွယ်ရေးက ငါ့နာမည်နဲ့ ဖုန်းဝင်လာတော့
ငါ အံ့သြသွားတာ
ပြီးတော့ ဝမ်းသာစရာ အကောင်းဆုံးစကားကို မင်းငါ့ကို ပြောခဲ့တာ ငါမှတ်မိပါတယ်ကွာ
ဗယ်လင်တိုင်းဒေး လက်ဆောင်တွေကို ငါဘယ်လို ပေးခဲ့တာ
ဗယ်လင်တိုင်းဒေးအမှတ်တရ ကဗျာတွေ ငါ ဘယ်လို ရေးခဲ့တာ
ငါတို့နှစ်ယောက် စကားများတာ ငါတို့နှစ်ယောက် ပြန်ချစ်ကြတာ
ကျခဲ့တဲ့ မျက်ရည်တွေလည်း အမှတ်တရပဲပေါ့
ရယ်မောခဲ့တဲ့ ပျော်ရွှင်မှုလည်း အမှတ်တရပဲပေါ့
မင်း မတက်ရသေးတဲ့ ဆိုင်ကယ်ကို ငါမောင်းထွက်ခဲ့တာ
ငါ မဖတ်ရသေးတဲ့ ကဗျာတစ်ပုဒ်ကို မင်း တိတ်တိတ်ရေးထားတာ
တောင်ကြီးလက်ဖက်ရည်ဆိုင်က အီကြာကွေးလည်း အမှတ်တရပဲ
စားပွဲပေါ်က ပြုတ်ကျသွားတဲ့ မိုက်ကရိုဖုန်းလည်း အမှတ်တရပဲ
အစ်မရယ် ကောင်လေး သနားပါတယ် ဆိုတာလည်း အမှတ်တရပဲ
ဟေ့ကောင် မင်း မမကြီးကို တကယ်ချစ်နေတာလားလည်း အမှတ်တရပဲ
အမေ့ခြံထဲက စံပယ်ပွင့်တွေကို တွေ့ရင် အမှတ်ရ ရပြန်သလို
ခရော့ဆင့်ဆိုင်လေးရှေ့ရောက်တိုင်း ကိတ်သေးသေးလေးတွေ အမှတ်ရ ရပြန်တယ်
အိမ်သေးသေးလေးထဲက ချစ်ခြင်းမေတ္တာကြီးကြီးတွေအကြောင်း ပြောရမလား
ကျားကြီး ခြေရာကြီးသလို အိမ်ကြီးသလောက် ထပ်ကြီးလာတဲ့ ချစ်ခြင်းတရားအကြောင်း ထပ်ပြောရမလား
သမီးလေးအကြောင်း ပြောရင် မင်းနဲ့ငါ အမှတ်တရတွေက အတူတူ
သူ နို့စို့ပုံ၊ သူနို့ဗူးသောက်ပုံ၊ သူ အိပ်ပျော်နေပုံ၊ သူစကားပြောပုံ၊
သူ လေးဘက်ထောက်သွားပုံ၊ သူလမ်းလျှောက်ပုံက အစ
သူ ပြေးဆော့ပုံ၊ သူ ကဗျာရွတ်ပုံ၊ သူ မူကြိုတက်တာအလယ်
သူ သနပ်ခါးလိမ်းပုံ၊ သူအင်္ကျီ ရွေးပုံ၊ သူ အိုက်တင်များလာပုံ၊ သူကျောင်းဆင်း ကျောင်းပြန်အဆုံး
ငါတို့ အတူတူပြောကြရမှာ
ပြီးတော့ ဖေဖေနဲ့ မေမေ စကားတွေပြောတာ နားညည်းလိုက်တာလို့
သမီး မပြောခင် ငါတို့ ပါးစပ်တွေကိုပိတ်
တိုးတိုးတိတ်တိတ် ကြိတ်ပြုံးပြီး အိပ်လိုက်ကြရမှာ
အမှတ်တရဆိုတာ နေ့တိုင်း ငါတို့သယ်ဆောင်လာတဲ့ ချစ်ခြင်းမေတ္တာ
ငါတို့နဲ့ အချိန်တိုင်း တည်ရှိနေတဲ့ ပုံရိပ်အစစ်ပမာ
အမှတ်တရတွေကို ငါတို့ပြိုင်ပြောလို့ ဘယ်သူ နားထောင်ချင်မှာလဲ
လာ အချစ်
တိတ်တိတ်လေးပဲ ပြော
တိုးတိုးလေးပဲ နားထောင်
ဘယ်သူနိုင်နိုင် ဘယ်သူရှုံးရှုံး
ညပေါင်း တစ်ထောင် လပေါင်း တစ်သောင်း
အမှတ်တရတွေ ငါတို့ ပြန်ပြောင်းပြောရအောင်။
မင်းနဒီခ
၁၄၊ ၂၊ ၂၀၁၇

အလွမ်းဖြစ်ရုပ်ကြွင်း

အလွမ်းဖြစ်ရုပ်ကြွင်း
.. . . . . . . . . . . . . . . . . . . . . . . . . . . . . . . .
သူများတွေ ပျော်နေတာ ကြည့်ပြီး
ပျော်မိတယ်။
သူတစ်နေရာ ကိုယ်တစ်နေရာဆိုပေမယ့်
ကိုယ့်အတွေးမှာ သူရှိနေတော့
ကိုယ့်ဘေးနား သူရှိနေသလိုလို
လွမ်းတယ်ဆိုမှတော့
ဘယ်ရာသီဥတုနဲ့ဖြစ်ဖြစ် လွမ်းမိတာပါပဲ။
ရွံ့နွံတော လျှောက်တံတားပေါ်
သူ့လက်ကလေးကိုင်ပြီး လျှောက်ခဲ့ပုံ
ကျောက်တုံးဥယျာဉ်မှာ
ကိုယ့်ပခုံးလေးမှီပြီး သူမှေးစက်ညွှတ်နူးခဲ့ရပုံ
မိုးပျံတံတားပေါ်
တစ်ယောက်လက်ကို တစ်ယောက်ဆွဲ
ပြေးတက်ခဲ့ကြပုံ
နန်းမြင့်မျှော်စင်ပေါ်ကနေ ကြည့်ငေးရင်း
မိသားစုမျှော်စင်လေးတစ်ခု
စိတ်ကူးနဲ့ ဆောက်ဖြစ်ခဲ့ကြပုံ
ပန်းဝင်္ကဘာထဲ
သူနဲ့ကိုယ် တစ်ယောက်တစ်လမ်းစီ ကွဲတော့
တကယ် ဝေးများ ဝေးရင်ဆိုတဲ့ အတွေးနဲ့
ပိုနွေးထွေးခဲ့ကြပုံ။
အရာရာဟာ
အခု မြင်နေရတဲ့အတိုင်း
ရုပ်ရှင်းအနှေးပြကွက်တစ်ခုလို
ကိုယ့်ရှေ့မှာ တခန်းပြီး တခန်းဆက်လို့
ချစ်တဲ့ စိတ်နဲ့ အသက်ဝင်တယ်
ချစ်တဲ့ စိတ်နဲ့ ဆက်ဖြစ်တည်တယ်။
ဘယ်တော့မှ မပြောင်းဘူး
ဘယ်အကြောင်းနဲ့မှ မပျက်ဘူး
နှလုံးသားပြတိုက်ရဲ့ အနက်ရှိုင်းဆုံးနေရာထဲ
ကမ္ဘာတည်မယ့်
အလွမ်းဖြစ်ရုပ်ကြွင်းများနဲ့။

မင်းနဒီခ
၂၂၊ ၅၊ ၂၀၁၆

သူငယ်ပြန်မိုး

သူငယ်ပြန်မိုး

ညီမလေးရေ
လူခြေတိတ်မှ မိုးက ခိုး ခိုးရွာသလို
မငိုတော့ဘူး ဆိုပေမယ့်
လွမ်းစိတ်က စို့ စို့ စိုတယ်။
သံသရာအဆက်ဆက်ဝဋ်ကြွေးနဲ့
လေးကြောင်းမျဉ်းလေးပေါ် ရေးထားတဲ့ ချစ်ခြင်းတရားလို
မလှပခဲ့ဘူးဆိုရင်တောင် သတ်ပုံမှန်ခဲ့တယ်
မဝိုင်းစက်ခဲ့ဘူးဆိုရင်တောင် ညီညာခဲ့ပါတယ်။
ဒီလိုပါပဲ
သတိရစိတ်တွေ သည်း သည်းလာတိုင်း
ရွာနေတဲ့ မိုးကို လက်နဲ့ ခံ
ပါလာတဲ့ မိုးစက်မှာ
မင်းမျက်နှာလေးကို ရှာကြည့်လိုက်တယ်
ပြန်အိပ်ပါတော့ အလွမ်းရယ်။
ငါတို့
ဝေးခဲ့ကြပါတယ်။

မင်းနဒီခ
၎ အောက်တိုဘာ ၂၀၁၃

Thursday, June 15, 2017

ကာတွန်းကား

ကာတွန်းကား
——————
ကာတွန်းဟာ ကားထဲက ထွက်ပြီး
ငါ့သမီး မျက်လုံးထဲ ဝင်သွားတယ်
မိုးပျံပူဖောင်းအနက်တွေဟာ
ဘယ်တော့မှ မိုးပေါ်ပျံတက်ခွင့် မရကြ
လက်တစ်ဖက်ကို မြောက်လိုက်တယ်
အတောင်ပံတစ်ဖက် ပြုတ်ကျလာတယ်
တိမ်တွေကို စုချည်ပြီး
သိုးတစ်ကောင်ရဲ့ ကျောပေါ်ကပ်ပေးလိုက်တယ်
"ပေးစမ်း ဘယ်မှာလဲ တီဗီရီမု ပေးစမ်း"
"ဖေဖေ ပြောင်းပစ်မှာစိုးလို့
တီဗီရီမုကို သမီးဝါးစားပစ်လိုက်တယ် ဖေဖေ"
အိမ်တံခါးတွေဟာ သော့ကြီးဖွင့်လျက်တန်းလန်း
လူဆိုးတွေဟာ ဇာတ်ဝင်ခန်းထဲကနေ ပျောက်သွားတယ်
ဒီတစ်ကားပြီးလည်း
နောက်တစ်ကားဆက်ကြည့်ဦးမှာပဲ
ဂျော်နီစတိုင်းဟာ ခရီးဆောင်အိတ်ကြီး လွယ်ပြီး
ထပ်ခိုးပေါ်ကနေ နောက်တစ်ခါပြုတ်ကျလာတယ်
"ပိတ်စမ်း ပိတ်စမ်း
အဲ့ဒါ သမီး မကြည်သင့်တဲ့ ဇာတ်ဝင်ခန်းတွေ"
ဒရက်ကူလာ ကောင့်ဒရက်က သူ့သမီး မာဗီကို တားမြစ်သလို
ငါလည်း ငါ့သမီးကို တားမြစ်
ကာတွန်းကားတောင်
ရှေ့ကို ကျော်ပြီး ရစ် ရစ်ကြည့်ရတယ်
ကြွက် က အခုထိ ကြောင်ကို နိုင်နေတုန်းပဲဆို
သမီးမေးရင် ငါဘယ်လို ပြောရပ
"သမီး မျက်လုံးကို
ဖွင့်ကြည့်လို့ ရပြီလား ဖေဖေ"။

မင်းနဒီခ
၃၀၊ ၅၊ ၂၀၁၇

Friday, June 9, 2017

Battle Los Angeles ကြည့်ရင်း ခေတ်ကြီးရှေ့ မှောက်ရက်လဲ

Battle Los Angeles ကြည့်ရင်း ခေတ်ကြီးရှေ့ မှောက်ရက်လဲ

အခုဆိုရင် ဆင်ခြေဖုန်းအရပ်ကလူတွေကို အရင်ဆုံးရွေ့ပြောင်းသယ်ဆောင်ပေးနေပြီ
ကြက်ခြေနီလူငယ်တွေဟာ မနားတမ်းမမောတမ်းပြေးလွှားလို့
အော်ဟစ်နေတယ် ပတ်တီးလိပ်တွေ မြန်မြန်ပေး လူနာက သွေးထွက်လွန်နေပြီ
မိသားစုတွေဟာ မိသားစုတွေမဟုတ်တော့ တကွဲစီ တပြားစီ တစ်နေရာစီ
အားလုံးကြားသိထားတဲ့အတိုင်းပဲ သတင်းတွေက တော်တော်ဆိုးတယ်
မျှော်လင့်ထားသလို မျှော်လင့်မထားသလို အဖြစ်အပျက်ကြီးဟာ ဖြစ်လာတာပဲ အနှေးအမြန်
ယာဉ်ကြောတွေဟာ ပိတ်ဆို့လို့ ဟွန်းတီးသံတွေတောင် မကြားရတော့
သူတို့တွေဟာ ကမ်းခြေမှာ စစ်ရေးလေ့ကျင့်နေတုန်းပဲလား
အားလုံး တန်းစီ သတိဆွဲ ဖြောင့်ဖြောင့်ရပ် ကြယ်သီးတပ်ထားလား နားကျပ်တပ်ထားလား
တော်လဲသံကြီးမကြာခင် ကြားရတော့မယ် ထားခဲ့ အဲဒီအဖိုးမတန်တဲ့ စာအုပ်တွေထားခဲ့
ကလေးတစ်ယောက်ဟာ အပျက်အစီးတွေကြားထဲကနေ ပြေးလွှားပြီး
ပြိုကျတော့မယ့် အဆောက်အအုံထဲ ၀င်သွားတယ်
ဘယ်သူမှ လှမ်းတားမြစ်ဖို့ အော်ငေါက်ပစ်ဖို့ သတိမရကြ
ရသလောက်နဲ့ ကိုယ့်ရိက္ခာကိုယ် အမြန်သယ်ရတယ်
ကယ်ဆယ်ရေးစခန်းတွေလည်း မလုံလောက်တော့ဘူး အလှူခံထွက်ကြရတော့မယ်
ဘုရားရေ အဲဒါတကယ်ကြီးလား အတိုက်အခံတွေ တိုက်ခိုက်ခံလိုက်ရတယ်ဆိုတာ
တိတ်တိတ်နေ တိတ်တိတ်နေ ဂြိုဟ်သားတွေဟုတ်လား မဖြစ်နိုင်ပါဘူး
ရန်သူ့ဘက်ဆီမှာ လက်နက်ကြီးရှိတယ် သူ့တို့ ကိုယ့်အိမ် ကိုယ်တော့ ပြန်မီးရှို့မှာ မဟုတ်ဘူး
ဖိုက် ဖိုး သရီး တူး ၀မ်း ကဒ် အက်ရှင်
အသက်ရှင်နေတဲ့လူတွေ ရှိသေးလား မသေသေးရင် မြန်မြန်ပြန်ဖြေကြ
ဟိုမှာ အသက်ကယ်လေယာဉ်တွေ ဆီဖြည့်နေတုန်း မြန်မြန်ပြန်ဖြေကြ
ဝီဇီမရှိရင် လက်ခေါက်မှုတ်တတ်အောင် သင်ထား
မီးကျည်မရှိရင် ကိုယ့်ကိုယ်ကိုယ်မီးရှို့ပြီး အချက်ပြကြ
မျက်စိရှင်ရှင်ထား အခုအချိန်ကတော့ အဖြေမရှိတဲ့ မေးခွန်းတွေချည်းပဲ
မျက်ခြေမပြတ်အောင် ကိုယ့်ခြေရာကိုယ် ပြန်ကောက်ယူကြည့်ရတယ်
ဖုန်မှုန့်တွေဟာ လေထဲ ၀ရုန်းသုန်းကားလွင့်လို့ မျက်လုံးကို လက်နဲ့ကာထားရတယ်
မင်းနာမည်ဘယ်လိုခေါ်သလဲ မြူလန်းဒါး ဒါဟာ အစစ်အမှန်ဖြစ်နေတာပဲလို့ ငါသုံးသပ်တယ်
သေနတ်သမားတွေကတော့ အခုထက်ထိ မည်းမည်းမြင်ရာ ပစ်နေတုန်းပဲ
ငါကလည်း ကံဆိုးတယ် ပထမဆုံးလာတဲ့ ကျည်ဆံကိုမှ တည့်တည့်ကြည်မိတယ်
မီးဖိုခန်းကြည့် ရှင်းတယ် စာဖတ်ခန်းကြည့် ရှင်းတယ် ရှူး ခြေသံတိုးတိုး ဒါဘုရားခန်းပဲ
ဆေးရုံတွေဟာ သပ်သပ်ရပ်ရပ်နဲ့ လူနာတွေကို စောင့်ကြိုဖို့ ပြင်ဆင်နေကြတယ်
ရုတ်တရက် အသံတွေ တိတ်ဆိတ်သွားတယ် အော်သံဟစ်သံညည်းညူသံတောင် မကြားရတော့
ဗုံးဆံက ငါ့နားစည်ကို မှန်သွားတယ်လို့ သူတို့ပြောကြတယ် ငါမကြားရဘူး
မြန်မာစံတော်ချိန် ၁ နာရီ ၃၀ မိနစ်
မမြင်ရသေးတဲ့ ရန်သူဟာ အလင်းရောင်အောက်မှာ တောက်ပနေတယ်
ငါမင်းတို့အားလုံးကို ကယ်တင်မယ် ဘုရားသခင်ကောင်းချီးပေးပါစေ။

မင်းနဒီခ

(၃၀၊ ၃၊ ၂၀၁၅)

တွေ့သည်ကဗျာ

တွေ့သည်ကဗျာ

ခြားနှင့်လိုင်းများအတွက် အပြောင်းအလဲလုပ် အသုံးပြုပုံ သို့မဟုတ် ထို့ကြောင့်အသစ်အဓိပ္ပာယ်ကိုပေးခြင်း
စာသားထည့်သွင်း သို့မဟုတ် ပယ်ဖျက်အားဖြင့် အခြားသတင်းရင်းမြစ်များမှစကားလုံးများ စာပိုဒ်တိုများနှင့်
တခါတရံ တစ်ခုလုံးကျမ်းပိုဒ်ယူပြီး ကဗျာအဖြစ်သူတို့ကို re framing ဒါကြောင့်အနုပညာအဖြစ်
ကန့်ကွက်ကြောင်းမေးခွန်း, အ လေ့လာသူ, အ ဗေဒပတ်ဝန်းကျင်နှင့် အနုပညာသည် အဘယ်သို့၏ အဓိပ္ပာယ်သို့ ခေါ်တော်မူအကျင့်ကို နေ့စဉ်သုံးလက်တွေ့ အနုပညာမျှော်လင့်မထားတဲ့ပေါင်းစပ်သို့မဟုတ် juxtapositions အတွက်အသစ်တခုအခြေအနေတွင် အတွင်းတင်ကြသောအခါ စီးပွားဖြစ် / သာမန်အမှုအရာအသစ် အဓိပ္ပာယ်ကိုပေးခြင်း
အသစ်ပြန်လည်ပစ္စည်းများကို ထံမှနေသူများက ဖန်တီးရသော 'များအား' ၏အမြင်အာရုံအနုပညာ ဥပမာ တွေ့ရှိကဗျာတခုရဲ့ ဥပမာ 'ယန္တရားအပေါ် မူလတန်းစာချုပ်' ဒါကြောင့် မျှအင်အားသုံး
သို့သော် တိကျစွာဖြောင့်သောရေပြင်ညီမျဉ်းတစ်ကြောင်းသို့၊ သို့သော်ဒဏ်ငွေကိုကြိုးဆန့်နိုင်
ယနေ့ထို့နောက်သမျှသော ဝေဒနာကတဆင့်သွား၊ အရန်၊ သင်နှင့်ငါသည်တလျှောက်အဖွဲ့
ကျန်တဲ့ နှင့်အတူ အလွန်စိတ်ဆိုး ... သည်ဝန်ဆောင်မှုတပ်မှပျံသန်းကြ၊ ထိုမိသားစု။
သင်သိသောကြောင့်၊ ဒါဟာအနည်းငယ် corny အသံကိုပြုစေခြင်းငှာ၊ ပေလိမ့်မည်။ ဒါပေမယ့် ကျနော်တို့အလှဆုံးလပြည့်နေ့ ယနေ့ညရှိသည်။ ထိုအခွင့်ကိုယခုသွားသမျှကိုခံစားခြင်းလူအစုအဝေး။
သူတို့က Corny အသံကိုပြုစေခြင်းငှာ၊ ဆင့်ဆိုရမည်မှာ၊
သို့သော်လည်း ငါကတစ်ဦးအတိတ်နိမိတ်ကဲ့သို့ပင်တစ်ဦး၏အချို့သောမျိုးတူရဲ့။
နှစ်ဦးစလုံးသည် မိုးကောင်းကင်သို့တက် တက်နှစ်ဦးစလုံး။
ကိုယ့်လပြည့်နေ့သည်ကို မြင်လျှင်၊ ထို Thurman Munson ငါ့ကိုသတိရ, ထိုကြောင့်ပါပဲ။
တွေ့ရှိကဗျာမှ ကျိန်ဆို၊ ပူဇော်အင်တာနက်ကို ပထမဦးဆုံးတရားဝင်စာပေဂျာနယ်က တွေ့သည်ကဗျာပြန်လည်ဆန်းစစ်ခြင်း၊ ပေါ်ထွက်လာအဆိုပါသုံးလပတ်အလိုက်ဂျာနယ်၊
Marcel Duchamp ပန်းချီကား၊ ချားလ်စ် Manson ရဲ့တရားခွင်သက်သေခံချက်၊
AOL ကပြဌာန်းစာအုပ်ကနေယူ ၊ ရိုးရာ Centos နှင့်ကဗျာများတင်ဆက်ခဲ့သည့် ရှာဖွေရေးဒေတာ
Emily Post ကိုရဲ့လောကဝတ်စာအုပ်များ၊ ဝီကီပီးဒီးယားဆောင်းပါးများ၊
ပုံစံ၏ Struck နှင့်အဖြူရောင်၏ the Elements, Wonder Woman ရုပ်ပြနှင့်
လူရွှင်တော်-Dave Gorman မကြာခဏလူအွန်လိုင်းဖိုရမ်များအပေါ်ပြောဆိုကြပြီသော
ထုံသောအမှုအရာကို အသုံးပြု၊ ဟာသတွေ့ရှိ ကဗျာ တွေ့သည်အရာဝတ္ထုကိုးကားချဲ့ထွင်ရန်အလို့ငှာအသာပုတ်ကိုလည်းကြည့်ပါ
Wikipedia/Found Poetry/Google Translate/Uni Code Converter/New Document တွင်လည်း ပြန်ကြည့်ပါ

မင်းနဒီခ

(၂၉၊ ၅၊ ၂၀၁၅)

ငါ ၃၄

ငါ ၃၄

တနင်္လာဟာ လပေါ်ကို ငသတ်တင်ပြီး ထွက်လာတယ် ငါဖြစ်တယ် ငါဖြစ်တယ်
မွေးခန်းထဲက ပိတ်စအဖြူပေါ်မှာ ငါနာမည်ကို ဘယ်လို ရေးခဲ့သလဲ ငါသိချင် ငါမြင်ချင်
တစ်ချိန်က ဇူလိုင်ဟာ အခုထိ မိုးတဖြိုင်ဖြိုင်ရွာနေဆဲ ငါကြားရ ငါစိုစွတ်ရ
မလုံလောက်သေးဘူး ထင်လို့ တွန်းတွန်းပို့ခံလိုက်ရတဲ့ နေ့စွဲတွေထဲ ငါပြုတ်ကျ ငါခုန်ဆင်း
ငါ့ညာဘက်လက်ဟာ ငါ့ဘယ်ဘက်လက်ကို အားပေးဆုပ်ကိုင်လို့ ငါကျော်လွှား ငါကူးဖြတ်
ဝိုင်းအောင်လေ့ကျင့်ခဲ့ရတဲ့ ဝလုံးသေးသေးလေးထဲ ငါနစ်ဆဲ ငါဝဲလည်
တစ်ချောင်းငင်လို့ မမှတ်ဘဲ ငါထောက်ခဲ့တဲ့ ခြေထောက်တွေ ငါယိုင်နဲ့ ငါလဲပြို
လုံးကြီးလို မတင်ခဲ့မိတဲ့ ရေအိုးတွေထဲ ငါဖြည့်ဆည်း ငါခပ်ထည့်
ရှေ့မှာရောက်လို့ ကောက်ခဲ့မိတဲ့ စံပယ်နှစ်ပွင့်မှာ ငါ့သမီး ငါ့ဇနီးသည်
တစ်ပင်ကို နှစ်ပင်ယှက်လို့ သာမယ်ထင်မိတဲ့ စိတ်ကူးမှာ ငါတောထဲ ငါ့တောင်ထဲ
မလွယ်လမ်းကိုမှ လိုက်ခဲ့မိပါတယ် မလွယ်လမ်းကိုမှ ကြိုက်ခဲ့မိပါတယ် ငါ့ကဗျာ ငါ့အနုပညာ
ပေးထားချက်ကိုမှ သက်သေပြဖို့ရာ တည်ကိန်းကိုမှ ပြတ်အောင်စားဖို့ရာ ငါ့ဂဏန်း ငါ့သင်္ချာ
လစ်ဟာသွားတဲ့ ကွက်လပ်ကိုဖြည့်ပါ မေးခွန်းအားလုံးကို ဖြေဆိုပါ ငါ့ဘဝ ငါ့ကမ္ဘာ
သွားလမ်းသာလို့ လာလမ်းဖြောင့်ပါစေတော့ စိတ်ချမ်းသာလို့ ကိုယ်ကျန်းမာပါစေတော့ ငါ့မွေးနေ့ ငါ့ဆုတောင်း
မပေါင်းလည်းခက် ပေါင်းလဲခက် မပြတ်လည်းပေါင်း ဆက်လည်းပေါင်း ငါ့ခန္ဓာ ငါ့ဇရာ
ကြားကြားသမျှကို အမျှဝေလို့ ပြုသမျှကုသိုလ် စိတ်ရည်မှတ်တယ် ငါ့ဥစ္စာ ငါ့သံသရာ
၃၅ ဟာ ဒီနေ့ ငါ့ကို လာလာစွက်ဖက်တယ် ငါအသိစောခဲ့တယ် ငါအလုပ်နောက်ကျခဲ့တယ်
ငါဟာ ငါကို ငါက ခွာချမရ ငါငါ ငါသူ ငါတပါး ငါယောက်ျား ငါမိန်းမ
ငါနဲ့ မလွတ်သမျှ ငါရှိနေရဦးမယ့်အကြောင်း။

မင်းနဒီခ
(၆၊ ၇၊ ၂၀၁၅)

တစ်ကြိမ်ကြွေပြီး အခါခါ ပွင့်ခြင်းသို့

တစ်ကြိမ်ကြွေပြီး အခါခါ ပွင့်ခြင်းသို့

တောက် ခေါက်သံဟာ
နိုင်ငံတော်ရဲ့ တံတွေးခွက်ထဲမှာ ဆွံ့အလို့
မယုံနိုင်စရာ။
လေစီးကြောင်းထဲ
အဝါရောင် ငှက်မွှေးတွေ လွင့်လာတာ မြင်လိုက်တယ်
ချည်တိုင်ဟာ ကြိုးတန်းလန်းနဲ့ ရှုပ်ထွေးလို့ လောကအလယ်
လောင်ကျွမ်းမှုတိုင်းဟာလည်း အငြိုးထား တေးမှတ်ဖွယ်။
မှတ်စုစာအုပ်ထဲလည်း နာမည်တွေ ရဲမှည့်လို့
တည်ငြိမ်ဖို့ ကြိုးစားသူတစ်ယောက်ကြောင့်
စိတ်ဟာ အမြဲလှုပ်ခတ်နေရတယ်
ပြတင်းပေါက်ကနေ ငေးကြည့်တော့လည်း အရင်အတိုင်းပဲ
စက်တင်ဘာ ၃ ရက်နေ့ မောင်ချောနွယ် ဆုံးတယ်
နောက်တော့ နေ့တိုင်းပြန်ရှင်တယ်။
လွမ်းစိတ်ဟာ ကဗျာစာအုပ်ကို ပြန်ပိတ်လိုက်တယ်
စွန့်ပစ်ပစ္စည်းတွေဟာ အိပ်ရာပေါ်မှာ ငါ့ကိုယ်စား လဲလျောင်းလို့
အရာအားလုံး စိတ်တိုင်းကျဖြစ်ဖို့တော့
ဘုရားသခင်ကိုပဲ အချိနိပိုဆင်းခိုင်းရတော့မယ်။
သီချင်းသံဟာ မြေပြန့်ကနေ တောင်ပေါ်အထိ လွင့်ပျံနေဆဲပါပဲ
ဘယ်နေရာက ဘယ်သူဆိုနေမှန်းသာ မသိတာ
ခဏပဲစောင့်ပါ
သစ်ခေါက်ပင်ရှိရာ သစ်တောက်ငှက်တို့ လာခဲ့သလို
ကဗျာရှိရာ ငါလာခဲ့ပါမယ်
အခမ်းအနားဟာ သူ့ကိုယ်သူ ဖြန့်ခင်းလို့
ဂုဏ်ပြုသူတို့ရှေ့မှောက်မှာ
တိတ်ဆိတ်စွာ
ငြိမ်သက်စွာ
မောက်မာစွာ။

မင်းနဒီခ

(၃၊ ၉၊ ၂၀၁၅)

ကဗျာပစ်ရန်အလာ ရေစိုနေသည့် ဘဲငန်းတစ်ကောင်နှင့် မိတ်ဆွေဖြစ်ခြင်း

ကဗျာပစ်ရန်အလာ ရေစိုနေသည့် ဘဲငန်းတစ်ကောင်နှင့် မိတ်ဆွေဖြစ်ခြင်း

ဘဲငန်းတစ်ကောင်ဟာ ကုန်းပေါ်မှာ ယက်ကန်ယက်ကန်သွားနေတယ်
သူ့ခြေထောက်မှာ ရေစက်တန်းလန်း တစက်စက်ကျလို့
ငါဟာ ရေစို အဝတ်တွေကို လှမ်းဖို့ အမြဲတမ်း သတိမေ့တတ်သူ
လေမတိုက်လည်း လေတံခွန်တွေ ပျံဝဲနေတုန်းလား
လေမှုတ်စက်ဟာ သမီးဆံပင်တွေပေါ်ကနေ တဝူးဝူး ဖြတ်သွားတယ်
မျက်နှာ မသစ်ချင်ဘူး သနပ်ခါးမလိမ်းချင်ဘူး ကျောင်းမသွားချင်ဘူး
nick.jr ကြည့်မယ် Toy Story ကြည့်မယ် အာလူးပူတီစားမယ် အာနိုးသောက်မယ်
မျက်စိကို မှိတ်လိုက်တယ် တစ်နေ့တာဟာ အိပ်မက်ဇာတ်ခုံပေါ်က ဇာတ်ဝင်ခန်းပဲ
မစားဖြစ်ခဲ့တဲ့ အိပ်ယာဝင် သစ်သီးတွေကို ဆာလောင်မိတယ်
မော့မကြည့်ဖြစ်တာကြာတော့ ဒီအပင်က ဘာအသီး သီးမှန်း ငါတကယ် မသိတော့
ကျီးကန်းတွေဟာ စွန့်ပစ်ထမင်းကျန်တွေကို လှည့်မကြည့်ပဲ ထပြန်သွားကြတယ်
တစ် နှစ် သုံး လေး ကနေ တစ်ရာ့တစ်ဆယ် တစ်ရာ့နှစ်ဆယ်အထိ
အိပ်မပျော်တဲ့ မျက်လုံးတွေနဲ့ ရေတွက်နေဆဲ မဖြစ်မြောက်ခြင်းတွေ
အလင်းရောင်ဟာ ဇာခြင်ထောင်ပန်းနုရောင်ရဲ့ ခြင်ဝင်ပေါက်ကနေ လာတယ်
အိပ်မက်ကဇာတ်ဟာ အပျိုတော်ကနေ နောက်ပိုင်းအထိ မကရသေးဘူး
လက်ခုပ်သံတွေ ကြားနေရပြီ ကျေးဇူးပြုပြီး မတ်တပ်ရပ်ပေးရဦးမလား
ကျနော့်ကို ခိုင်းပါဆိုတဲ့ ကြော်ငြာလာတိုင်း တီဗီချယ်နယ်ကို နောက်တလိုင်းကို ပြောင်းမိတယ်
ရေလွတ်ရာ မိုးသားများကို ရွေ့ပြောင်းပါ မြို့ဟာ တရားပြစရာ ရုပ်နာမ်တရားမဟုတ်
မိုးရွာတော့မယ်ဆိုတိုင်း မိုးချုန်းသံအရင်ကြားသင့်တယ်မဟုတ်လား ကလေး
တစ်နာရီ မိုင် ၃၀ နှုန်းနဲ့ တကုတ်ကုတ် တိုက်ခတ်နေတဲ့ သူ့ ယောင်ယမ်းမြည်တမ်းသံမှာ
ငါးပွက်ရာ ငါးစာလိုက်ချသလို ရတဲ့စာသားနောက် ကဗျာတကောက်ကောက်လိုက်ကပ်မိပါတယ်
ခြင်ထောင်အပြင်ဘက် ထွက်လျှောက်နေတဲ့ ဘဲတစ်ကောင်လို မရွာသေးတဲ့ မိုးရေစက်တွေ တန်းလန်းနဲ့
တရားရှာ ကိုယ်မှာတွေ့သလို ကဗျာရှာ အခါခါကွေ့ခဲ့တဲ့ လမ်းချိုးလေးအတိုင်း။

မင်းနဒီခ

(၈၊၉၊၂၀၁၅)

နှစ်အသစ်

နှစ်အသစ်

အဲ့ဒီနေ့က နှင်းတွေ ထူထူထပ်ထပ်ကျခဲ့တယ်
လမ်းလျှောက်သမားတွေဟာ လက်တွေကို လွှဲရမ်းလျှောက်ဖို့ မဖြစ်နိုင်ခဲ့ဘူး
သူသူကိုယ်ကိုယ် မီးလင်းဖိုလေးတွေကို လက်က ကိုင်လို့
ပြေးပြေးလွှားလွှား လှုပ်လှုပ်ရှားရှား မရပ်မနား မမောမပန်း
နောက်ကျခဲ့လည်း ပန်းတိုင်ကို ရောက်ခဲ့တယ်ပဲ ဆိုကြပါစို့
အောင်မြင်မှုဟာ ဖွယ်ဖွယ်ရာရာ တည်ခင်းဧည့်ခံတဲ့ စားပွဲမှာ မိန့်မိန့်ကြီးထိုင်လို့
ခက်တာက Menu Card ထဲမှာ စားသောက်ဖွယ်ရာ စာရင်းပါမလာက စတယ်
ပြဿနာဟာ မီးခိုးကြွက်လျှောက် တစီတတန်း တမေ့တမော
ခွေးသွားစိပ်တွေဟာ မှန်မှန်လည်ပတ်နေတယ်လို့ ထင်ရတယ် တထစ်ပြီး တထစ်
ကိုယ်ပစ်တဲ့ မြားဟာ ကိုယ်ဆီပြန်လာလိမ့်ဦးမလား
သံသယဟာ အငြင်းပွားဖွယ် ကစားပွဲတစ်ခုထဲမှာ အထီးတည်းပေါ်လွင်နေတယ်
သမိုင်းဟာ သင်ခန်းစာတွေ တပွေ့တပိုက်ကြီးနဲ့ စာမျက်နှာအသစ်ကို ခပ်တည်တည်လှန်လို့
ကွေးသောလက်လည်း ဆန့်ပါစေ ဆန့်သောလက်လည်း ဖြောင့်ပါစေ
တစ် နှစ် သုံး လေး ငါး ခြောက် ခုနစ် ရှစ် ကိုး တစ်ဆယ်
ရှုံးနိမ့်လဲကျသူ မရှိလည်း ဒိုင်လူကြီးဟာ ဆက်လက်ရေတွက်နေဆဲ
တစ်ဆယ့်တစ် တစ်ဆယ့်နှစ် တစ်ဆယ့်သုံး တစ်ဆယ့်လေး တစ်ဆယ့်ငါး တစ်ဆယ့်ခြောက်
လာခြင်းကောင်းတဲ့ နှစ်သစ်ပါပဲ လက်ပစ်ကူးခဲ့ရတယ်။


မင်းနဒီခ
၁၊၁၊၂၀၁၆

ငါ ကူးနေတယ်

ငါ ကူးနေတယ်

လက်ရေးလက်သားကအစ ဝါကျတကြောင်းလုံး ငါ ကူးနေတယ် ရုတ်ချည်း မိန်းမပျိုလေးတစ်ယောက်ရဲ့ စက်ဘီးခြင်းထဲ ရောက်လာတဲ့ မေတ္တာစာ ငါ ကူးနေတယ် နံရိုးတချောင်းရဲ့ အလိုအတူဘဲ အလိုပါခဲ့ရတဲ့ ဖွင့်ဟ ဝန်ခံခြင်း ငါ ကူးနေတယ်
နောက်တခေါက် အဖေ ပြန်လာရင် ဝယ်ခဲ့မယ်နော် ငါ ကူးနေတယ် ဒီလို ဟက်ဟက်ပက်ပက် မရယ်ရတာ ကြာပေါ့ 
ငါ ကူး နေတယ် နေ့စွဲများအတိုင်း အလျားလိုက် ဟင်းလင်းပြင် စွပ်ကြောင်းတလျောက် ငါ ကူးနေတယ် မနေ့ကလည်း ဖြစ်ခဲ့တယ် မနက်ဖြန်လည်း ဖြစ်ဦးမယ် ငါ ကူးနေတယ် အစွန့်ပစ်ခံမြစ်ဖျား အနားသတ်ပင်လယ် တောင်ကမ်းပါးယံကမ်းရိုး ငါ ကူးနေတယ် ဆွတ်ဆွတ်ဖြူအနမ်း ကိုက်လမ်း လေယာဉ်ပျံကြီးစီးသွား ရေကူးပြီး ပြန်ခဲ့ ငါ ကူးနေတယ် တနေ့တလံ ပုဂံ ငါ့မြင်း ငါစိုင်း စစ်ကိုင်း ငါ့လှေ ငါထိုး ပဲခူး ငါ ကူးနေတယ် တုိ့ဘဝ တို့ကမ္ဘာ လူများ သက္ကရာဇ်များ ဘဝ ခန်းဆောင်နီအိပ်မက် ဓားတောင်ကိုကျော်၍
 မီးပင်လယ်ဖြတ် ငါ ကူးနေတယ် ကျေနပ်ဖွယ် ကြည်နူးဖွယ် ဆွတ်ပျံ့ဖွယ် ငါ ကူးနေတယ် ကမ်းမမြင် လမ်းမမြင်
ခြောက်ခမ်းသွားတဲ့ အိပ်မက်မြစ် ညလူ ငါ ကူးနေတယ် အနက်ရောင် လမ်းမများအတိုင်း တဟုန်ထိုး ပြေးတက် ပျံသန်း လျှောက်လမ်းထဲ ငါ ကူးနေတယ် ငါ မူးနေတယ် ငါ အိမ်မပြန်ချင်သေးဘူး ငါ ပုလင်းတူ ငါ ဘူးစို့ ငါ ကူးနေတယ် ဖွေးဖွေးလှုပ် နှင်းများရဲ့
 သွေးပျက်ခြောက်ခြားစရာ ကျဆုံးခန်း ငါ ကူးနေတယ် မနက်ဖြန်ရဲ့ ပြန်ကျမလာသေးတဲ့ လွှင့်တင်ခြင်း ငါ ကူးနေတယ် 
ပုပ္ပါးနတ်တောင် အခေါင်မြင့်ဖျား စုံတောပြားမှာ ငါ ကူးနေတယ် အင်ဒီဝါးဟိုးရဲ့ ဆေးစက်ကျရာ 
ဗန်ဂိုးရဲ့ နေကြာပန်း ဝါဝါ ဘောင်ခတ်ထားတဲ့ ပိတ်စရှေ့ ငါ ကူးနေတယ် တတိယစကြဝဠာ ဖန်လုံအိမ်ဓာတ်ငွေ့ နိုက်ထရိုဂျင်ဗုံးရဲ့ ရှာဖွေတွေ့ရှိမှု ငါ ကူးနေတယ် ငါ ကူးနေတယ် ထိုင်ရာမထ စေးထန်းယိုယွင်းမှုများနဲ့ မျိုးစိတ်သစ်များ ငါ ကူးနေတယ် 
ငါ ကူးနေတယ် ငါ ကူးနေတယ် တ ကူ ကူး ကူး တ ကူ ကူး ကူး။

မင်းနဒီခ
၂၊ ၁၊ ၂၀၁၆


အထီးကျန် ကြောင်

အထီးကျန် ကြောင်

ငါ ခရီးပြန်လာတဲ့အခါ ငါ့အိမ်ပေါက်ဝမှာ ကြောင်ဟာ အမြီးတွဲလောင်းချထိုင်လို့
ကြောင်ဟာ ဘယ်တုန်းကတည်းက ငါ့အိမ်ထဲရောက်နေလဲ
ငါ ထမင်းစားတဲ့ အခါ ကြောင်ဟာ ငါ့ဘေးနားမှာ စောင့်မျှော်လို့
ပြီးတော့ ငါ့ ထမင်းပန်းကန်ထဲ ဝင်ထိုင် ငါ့နှုတ်ခမ်းကို လျှာနဲ့ လှမ်းလျှက်
ငါထွက်သွားတဲ့အခါ ငါ့နောက်ကနေ တကောက်ကောက်လိုက်ပြန်တယ်
ကြောင်ဟာ လမ်းလျှောက်ပုံ ညင်သာလို့ သူ့ခြေသံကို ငါမကြားရ
ငါ ဆေးလိပ်သောက်မယ်ဆိုတော့ ကြောင်ဟာ မီးခြစ်ကို အလိုက်သင့်ခြစ်ပေးတယ်
ငါ အိမ်သာတက်မယ်ဆိုတော့ တံခါးဝမှာ ထိုင်စောင့်လို့
ကြောင်ဟာ ငါအနားကနေ ဘယ်ဝေးဝေးကိုမှ မသွား
ကြောင်ဟာ ငါ့ ကွန်ပျူတာစားပွဲခုံပေါ် သေးပေါက်ချတယ်
ငါ့အိပ်ယာခင်းတွေဟာ ကြောင်ချီးတွေ ပေကျံလို့
ငါဟာ ကြောင်ကို ချီပွေ့ပြီး မဆောက်ရသေးတဲ့ တိုက်အမြင့်ကြီးကနေ ပစ်ချလိုက်တယ်
ကြောင်ဟာ ငါ့ကို ရက်စက်တဲ့ အကြမ်းဖက်သမားတစ်ယောက်လို ကြည့်ပြီး
သူ ဝှက်ထားတဲ့ လေထီးကို ဆွဲဖွင့်လိုက်တယ်
ငါဟာ ကြောင်ရဲ့ အမြီးကနေ ကိုင်ပြီး သစ်ပင်နဲ့ ရိုက်ပစ်လိုက်တယ်
ငါ့လက်ထဲမှာ ကြောင်ဟာ ငှက်မွှေးလေးတစ်ချောင်းလို ပေါ့ပါးလို့
ငါ့တစ်ကိုယ်လုံးမှာလဲ ကြောင်မွှေးတွေ
ငါ ထွက်ပြေးတယ် မိုးရေတွေထဲ
ငါ ငိုကြွေးမိတယ် မိုးရေတွေထဲ
လမ်းတစ်ဖက်ကိုရောက်တိုင်း ငါနောက်လှည့်ကြည့်မိတဲ့အခါ
ကြောင်ဟာ ငါ့ကို တွေရီငေးလို့
ကြောင်ဟာ ငါ့အိမ်လေးထဲကို ဘယ်အချိန်ပြန်ဝင်သွားမလဲ ငါတွေးလို့
ကြောင်နဲ့ ငါဟာ တစ်ယောက်အကြောင်း တစ်ယောက်သိနေသလို
ငါလည်း ငါ့အိမ်ကနေ ဘယ်မှ မသွားရဲ
ကြောင်လည်း ငါ့အိမ်ကနေဘယ်ကိုမှ ထွက်သွားမယ့်ပုံမပေါ်
အခု ကြောင်နဲ့ ငါဟာ
တစ်ယောက်နဲ့ တစ်ယောက် ကြောင်ကြည့်ုလိ့
တစ်ကောင်နဲ့ တစ်ကောင် ကြမ်းတပြေးတည်းထိုင်လို့
ကြောင်တစ်ကောင်ရောက်လာပြီးကတည်းက ငါ့ရဲ့ ကြောင်တောင်တောင်နေ့များ။


မင်းနဒီခ
၈၊၆၊၂၀၁၅

၃၅ နေ့တွေ

၃၅ နေ့တွေ
______________________________________
မိသားစုအတွက်ဆို ဘာရယ်မဟုတ်ဘူး
အလကားရတဲ့ လေတောင် တဝက်ပဲ ရှူပြီး ပိုပေးဆပ်ချင်ခဲ့တဲ့နေ့တွေ
လူငယ်ဘဝရဲ့ ဖြတ်စတွေမှာ ကိုယ်အသံကိုယ်ကြားအောင်
ရေတွင်းထဲ ခေါင်းငုံ့ နာနာကျည်းကျည်း အော်ဟစ်မိတဲ့ နေ့တွေ
ခမ်းနားတဲ့ ဘဝဆိုတာ
အိမ်ပြန်ချိန် အော်ဆိုမိတဲ့ သီချင်းတစ်ပုဒ်လို့
ထင်ယောင်ထင်မှား ယိုးစွပ်မိခဲ့တဲ့ နေ့တွေ
ဂျင်းဘောင်းဘီအနားဖွာနဲ့ စီးကရက်လက်ကြားညှပ် တောက်ခေါက်ဖြစ်ခဲ့တဲ့ နေ့တွေ
အရှိန်နဲ့ မောင်းလာတဲ့ ကားတစ်စင်းအောက် ခေါင်းထိုးဝင်ပစ်ချင်မိတဲ့ နေ့တွေ
အဆီတထပ် အသားတထပ် အောင်မြင်မှုနဲ့ အသက်ရှူ မဝခဲ့တဲ့နေ့တွေ
ငွေသံ ကြေးသံ တချွင်ချွင်နဲ့ အဆင်မပြေခြင်းကို ဓားနဲ့ပေါက်
ဆပ်ကပ်ထဲက ဓားသမားတစ်ယောက်လို နေ့တွေ
နှစ်ယောက်အိပ်ကုတင်တခြမ်းကို သမီးအတွက်ပေးပြီး
ကျန်တဲ့တခြမ်းထဲ ဖြစ်သလိုအိပ်ခဲ့ရတဲ့ ခပ်ကျပ်ကျပ်နေ့တွေ
ကျားတံဆိပ်ဘီယာတစ်ဘူးနဲ့ ကျုံးပလက်ဖောင်းဘေး ခြေချမိတဲ့နေ့တွေ
တစ်ခါတလေ အချစ်ဆိုတာ ကြေမွသွားတဲ့ တစ်ရှူးဗူးလေး
တစ်ခါတလေ အချစ်ဆိုတာ ကျိုးပေါက်သွားတဲ့ သုံးထပ်သားနံရံ
အဲ့ဒီလို အသံတိတ်ပြဇာတ်ထဲက မင်းသားလို နေ့တွေ
ကိုယ်လည်းလေ လောကီသားမို့ ပြီးတော့လည်း ပြီးတာပါပဲ
ရန်ဖြစ် ပြီး ပိုချစ်ခဲ့ကြတဲ့ နေ့တွေ
လမ်းလျှောက်တယ် ပြေးတယ် ခြေလွှဲ ခါးလှဲ့ အိပ်ထ မတင် ဝိတ်ချချင်ခဲ့တဲ့ နေ့တွေ
အသေကောင်လို လမ်းလျှောက် ဘယ်အချိန် အိမ်ပြန်ရောက်ရောက် နေ့တွေ
ကျွန်သက်တမ်းတိုးသလို စာချုပ်မှာ လက်မှတ်ထိုး နာနာကျင်ကျင် ရယ်ဖြစ်ခဲ့တဲ့ နေ့တွေ
မြေကြီးပေါ် တုတ်နဲ့ခြစ် စိတ်ကူးနဲ့ အိမ်ပုံဆွဲ
အမိုးအကာ တခုထဲအောက် တမိသားစုလုံး ခေါ်ထားချင်မိတဲ့ နေ့တွေ
ဇနီးပြီးတော့ ဇနီး သမီးပြီးတော့ သမီး
ကိုယ့်အသက်ကို သူတို့လက်ထဲ ပုံအပ်ခဲ့တဲ့ နေ့တွေ
ကဗျာပြီးရင်း ကဗျာ နောက်ထပ် ကဗျာပြီးတော့လည်း ကဗျာပါပဲ
ကဗျာဆရာ အယောင်ဆောင် ကဗျာမဖြစ်ခဲ့တဲ့ နေ့တွေ
နောက်ထပ် ဘယ်လို နေ့တွေ လာဦးမလဲ
လူ့သက်တမ်းလေးရဲ့ အိမ်အပြန်လမ်းထဲ
ကြေကြေကွဲကွဲ မျှော်လင့်နေမိတဲ့ နေ့တွေ
သြော် နေ့တွေ နေ့တွေ နေ့တွေ နေ့တွေ
ကိုယ်ပိုင်တယ် ထင်ခဲ့လည်း ကိုယ်တကယ် မပိုင်ဆိုင်ခဲ့ရတဲ့ နေ့တွေလေ။

မင်းနဒီခ
၆၊ ၇၊ ၂၀၁၆

ကြောင်ဝံပိုက်များ

ကြောင်ဝံပိုက်များ

ခေါင်မိုးပေါ်ကို ကြောင်ဝံပိုက်တစ်ကောင် ခုန်ဆင်းလာတယ်
ဝုန်း ကနဲ အသံကြာတော့ ငါထိတ်လန့်သွား
အိပ်ကောင်းချိန်ဆို ကြောင်ဝံပိုက်ဟာ ငါ့အိမ်ခေါင်မိုးပေါ် အမြဲ လမ်းဖြတ်လျှောက်တယ်
သူ့ခန္ဓာကိုယ် ဝဝဖီးဖီးကြီးဆိုတော့ လမ်းလျှောက်သံကလည်း ကြမ်းတမ်းလို့
ကြောင်ဝံပိုက်ရဲ့ ပန်းတိုင်ဟာ ဘုရားစင်ပေါ်က သစ်သီးပွဲပဲ
သူဟာ ဘယ်တော့မှ ဘုရားကို ဝတ်မပြုဘူး
သူဟာ ဘုရားဆီက စွန့်တော်မူပါ မပြောဘဲ လက်​ရဲဇက်​ရဲ ယူစားတယ်
ဒါပေမယ့် ကြောင်ဝံပိုက်ဟာ ဘယ်တော့မှ သစ်သီးတွေကို ကုန်အောင်မစားဘဲ ဘုရားကို ပြန်လှူတယ်
ပြီးတော့ အမှောင်ထဲမှာတောင် ဝင်းဝင်းတောက်နေတဲ့ မျက်လုံးတွေနဲ့ ဘေးပတ်လည်ကို ကြည့်
ဖွင့်ထားတဲ့ တံခါးပေါက်ကနေ ငါ့အိမ်ခေါင်မိုးပေါ် ပြန်တက်သွား
ဒီလိုနဲ့ ကြောင်ဝံပိုက်ဟာ ပျောက် ပျောက်သွားတယ်
သူ ဘယ်မှာနေသလဲ ဘယ်ကို ပြန်သွားလဲဆိုတာ တအိမ်သားလုံး မသိကြ
သူ လာရင် ခေါင်မိုးပေါ်မှာ ဝုန်းကနဲ အသံ ကြားရမယ်
သူ မပြန်ခင် သူ့မျက်လုံးနဲ့ စိုက်ကြည့်တာ ခံရမယ် ဒါပဲ
ကြောင်ဝံပိုက်ဟာ ဘယ်သူ့မှ မကြောက်သလို
ငါတို့လည်း ကြောက်ဝံပိုက်ကို ဘယ်သူမှ မကြောက်ကြ
သူ မလာရင် သတိရနေမိသလို
သူလာမှာ စိုးလို့ အိမ်တံခါးတွေ လုံအောင် အထပ်ထပ်ပြန်စစ်ရ
တစ်နေ့ကျတော့ မိန်းမချက်တဲ့ အသားဟင်းတစ်ခွက်ထဲ
သစ်သီးတစ်လုံးရဲ့ အစအနတွေ ငါတွေ့ရ
အဲ့ဒီနေ့က မွတ်သိပ်စွာနဲ့ ငါတို့ အားပါးတရ စားသောက်ခဲ့ကြပုံ
နှစ်များကြာတဲ့အခါ ခေါင်မိုးပါတဲ့ အိမ်လေးကို ဖျက်ပြီး
ခေါင်မိုးမပါတော့တဲ့ အိမ်အသစ်လေး ငါတို့ပြန်ဆောက်လိုက်ကြပုံ
အခုတော့ ခေါင်မိုးပါတဲ့ အိမ်လေးလည်း မရှိတော့ဘူး
အိမ်တံခါးတွေလည်း ဖွင့်အိပ်စရာ မလိုတော့ဘူး
မှန်လုံခန်းထဲက ဘုရားစင်ရှေ့လည်း သစ်သီးပွဲတွေ အစီအရီကပ်လှူလို့
ကြောင်ဝံပိုက်လည်း ရေထဲနစ်တဲ့ ကျောက်ခဲလို မပေါ်လာ စုန်းစုန်းမြှုပ်လို့
ဆိုပေမယ့်
ညရောက်တိုင်း အိမ်ခေါင်မိုးပေါ် ဝုန်းကနဲ ခုန်ချနေတဲ့ အသံကြားနေရဆဲ
ဘုရားစင်ပေါ်က သစ်သီးပွဲလည်း ကိုက်ရာ တစ်ဝက်နဲ့ ကျန် ကျန်နေဆဲ
ငါတို့ ခန္ဓာကိုယ်လည်း တစ်နေ့တခြား ဝဖီးလို့
စူးလက်ဝင်းတောက်တဲ့ မျက်လုံးတွေနဲ့ ပတ်ဝန်းကျင်ကို ကြည့်နေမြဲ
ဘယ်မှာလဲ ကြောင်ဝံပိုက်က ဘယ်မှာလဲ။

မင်းနဒီခ
၇၊ ၁၂၊ ၂၀၁၆

မမေ့မလျော့ သတိနဲ့ နေ့များ

မမေ့မလျော့ သတိနဲ့ နေ့များ

မဖြောင့်တန်းခဲ့တဲ့ လမ်းတွေကိုပဲ အခါခါ ဦးညွှတ်မိပါတယ်
တနင်္ဂ​နွေဟာ အိပ်ယာပေါ် ခဏအလည်လာပြီး ပြန်သွားတယ်
လွမ်းမိတဲ့အခါ မျက်ရည်တွေပဲ အလိုလို ကျ ကျ နေမိတာ ပြန်မရနိုင်တော့လို့များလား
တ​စ္ဆေဟာ ကိုယ့်အနားကနေ ဘယ်မှ မသွားဘဲ တိတ်တိတ်ကလေး နေ နေတယ်
သီချင်းကို ပိတ်လိုက်ပြီ တီးလုံးသံက ကြားနေရတုန်းပဲ
အခန်းနံပါတ် ၃၆ မှာ တံခါးကို အဆက်မပြတ် ခေါက်မိတယ်
မြားဟာ လေးကိုင်းက ထွက်ခွာသွားပြီပြောလည်း ကိုယ့်ဆီမရောက်သေးသရွေ့ အသိအမှတ်မပြုနိုင်ဘူး
အဲဒီနေ့က ကပ်ထားတဲ့ စတစ်ကာတွေကို တဖြည်းဖြည်းပြန်ခွာမိတယ်
စေးကပ်နေတဲ့ အတ္တဟာ မှန်နံရံပေါ် ထင်းထင်းကြီး စွဲကျန်တယ်
မှောင်နဲ့ မည်းမည်း တွင်းနက်နက်ထဲ အခါခါ ပြုတ်ကျဖူးတစ်ယောက်လို
ကိုယ်သာ နာပါစေ စိတ်မနာပါစေနဲ့လို့ ဆုတောင်းလိုက်မိပါသေးလား
လူမသိ သူမသိ ပြုတ်ကျနေတဲ့ ကိုယ့်နာမည်လေးကို ဖုန်သုတ်ပြီး ဘုရားစင်ပေါ်တင်လိုက်တယ်
မိမိကိုယ်သာ ကိုးကွယ်ရာ
အပ္ပမာဒေန သမ္ပာဒေထ။


မင်းနဒီခ
၅၊ ၁၂၊ ၂၀၁၆

ကရုပ်

ကရုပ်

ကြွက်တစ်ကောင် ဆွမ်းတော်ခွက်ထဲက ထမင်း စားနေတာ မြင်လိုက်တယ်
စွန့်ပစ်ပစ္စည်းတွေဟာ ဘုရားခန်းမှာ အပုံကြီး။
ဆောက်လက်စတိုက်ကြီးဟာ မိုးရေတွေ တစက်စက်ယိုလို့
အဆီနဲ့ တဝင်းဝင်း သဲနဲ့ တရှပ်ရှပ်။
ဖိနပ်ပြတ်တွေကို တရိုတသေ သိမ်းထားလိုက်တယ်
အမှတ်တရဟာ စတိုခန်းထဲမှာ အနံ့တထောင်းထောင်းထလို့။
သေနတ်ပစ်ခန်း မပါလို့ စိတ်ကို လျော့ချထားလိုက်ပြီဆိုမှ
အကြမ်းဖက်သမားဟာ အနုမြူဗုံးကြီးကိုင်ပြီး ငါ့ဆီ ပြေးလာတယ်။
သူငယ်ချင်းက ပြောတယ် ပြီးတော့လည်း ပြီးတာပါပဲကွာ တဲ့
မဟုတ်ဘူးလေ အဲ့ဒါ ဝတ္ထု၊စာအုပ်ထဲက ဟာကြီး တခြားတခု ပြောင်းပြော။
အိပ်ထောင်ကို စမ်းကြည့်တော့ ပန်းတစ်ပွင့် ပွင့်နေတာ တွေ့တယ်
မပျော်ရွှင်ခြင်းဟာ ကံကို ကောင်းစေတဲ့ အဆောင်ပဲ။
သီချင်းသံများသာ ပျော်ပွဲခန်းမမှာ ကျန်ရစ်ခဲ့
လူကြီးလူကောင်းဟာ ဖိတ်စာတွေကို လွင့်ပစ်ခဲ့လိုက်ပြီ။
ကြမ်းပြင်ပေါ် ငိုကြွေးနေသူဟာလဲ ငါပဲ
တံတားအောက် အော်ဟစ်ရယ်မောနေသူဟာလဲ ငါပဲ။
မီးစင်ကြည့်ပြီး ကခဲ့တာပါပဲကွာ
အပူလောင်သွားတာတော့ ကိုယ့်ထိုက်နဲ့ ကိုယ့်ကံပဲပေါ့။
ကရုပ် တဲ့
ပေးချင်လို့ပဲ ပေးလိုက်တဲ့ နာမည်
ဘယ်သူမှ မခေါ်ကြပါနဲ့။


မင်းနဒီခ
၁၄၊ ၈၊ ၂၀၁၆

ပျော်ရွှင်ခြင်း အိမ်

ပျော်ရွှင်ခြင်း အိမ်

အချစ်ရေ
လာ
အိမ်လေးတစ်လုံး ဆောက်ရအောင်
အင်ဂျင်နီယာ မလိုဘူး
လက်သမား ပန်းရန် မလိုဘူး
တို့နှစ်ယောက် အတူတူဆောက်ပြီး
တစ်မိသားစုလုံး နေကြမယ်
လေဒဏ် မိုးဒဏ်ထက်
လောကဓံကို လုံအောင်မိုးမယ်
ချစ်ခြင်းတရားထက် ခိုင်ခံ့တဲ့
မေတ္တာတရားနဲ့ အခိုင်အမာ အုတ်စီမယ်
အိမ်ရှေ့မှာ ရာသီအလိုက်ပွင့်တဲ့ ပန်းတွေနဲ့
အိမ်ထဲမှာ လတ်ဆတ်သင်းပျံ့နေတဲ့ လေညှင်းရနံ့နဲ့
ပျော်ရွှင်ခြင်းကို နံရံမှာ ဆေးအထပ်ထပ်သုတ်
နားလည်မှုကို ဧည့်ခန်းမှာ ချိတ်လို့
ခြံဝင်းထိပ်မှာ ဆိုင်းဘုတ်ကလေး ရေးထားမယ်
`ဤအိမ်သည်
ပျော်ရွှင်ခြင်းတရား၏ အရိပ်အောက်တွင် ရှိသောကြောင့်
လာရောက်သူအားလုံး ပျော်ရွှင်ကြည်နူးစေ´ပေါ့


မင်းနဒီခ
၂၊ ၁၀၊ ၂၀၁၆

တစ်ခါတုန်းက အချစ်ကဗျာ (၄)ပုဒ်

တစ်ခါတုန်းက(၁)

မိုးရေထဲမှာ ထီးလေးဆောင်းလို့
ချစ်သူအိမ်ရှေ့မှာ ငြိမ်ငြိမ်လေး ရပ်လို့
သူလှုပ်ရှားပြုမူသမျှ ငေးမိတယ်
ကိုယ်ရှိနေတာ သူသိပါ့မလားလို့ တွေးမိတယ်။

စိမ့်တိုက်လာတဲ့ မိုးသက်လေလေးရယ်
လွင့်စင်လာတဲ့ ရေမှုန်စက်လေးရယ်
ငါ့ခမျာ တစ်ကိုယ်လုံးစိုရွှဲလို့
စိတ်နှလုံး ခိုက်ခိုက်တုန်လို့
ဒီထီးမိုးအောက်လည်း မခေါ်ရက်ရဲ
သူ့အိမ်မိုးအောက်လည်း မခိုဝင်ရဲ
ကိုယ့်အတွေးနဲ့ ကိုယ်
အလွမ်းကုိ အကြိုဖ်ိတ်လို့
တိတ်တိတ်ကလေးပဲ ပြန်ဖူးတယ်။

မင်းနဒီခ
၉၊၄၊၂၀၁၄

တစ်ခါတုန်းက(၂)

မိုးရွာထဲ
စီးနေကျ ငါ့စက်ဘီးလေးက ချိန်းကြိုးပြတ်လို့။

မိုးရွာထဲ
နင်စီးသွားတဲ့ကားလေးက ငါ့ကို ရေတွေ စင်လို့။

မိုးရွာထဲ
နင့်ကိုမမြင်စေချင်တဲ့ ငါက ခေါင်းငုံ့လို့။

မိုးရွာထဲ
နင်က ငါ့ကို သနားစိတ်နဲ့ နောက်ပြန်လှည့် ကြည့် လို့။

မိုးရွာထဲ
တစ်ယောက်တစ်လမ်းစီ အိမ်အပြန်
ငါ့စိတ်က နင့်ကို နွေးထွေးဖေးမလို့
နင့်စိတ်က ငါ့ကို ထီးလို မိုးပေးလို့။

မိုးရွာထဲ
တစ်ယောက်တစ်လမ်းစီ အိမ်အပြန်
နောက်တစ်ခါ ပြန်ဆုံမယ်ဆိုပေမယ့်လည်း
ကိုယ်စီရင်ထဲ
မိုးရွာဆဲ။

မင်းနဒီခ
၉၊၄၊၂၀၁၄



တစ်ခါတုန်းက(၃)

သူ့ပါးပေါ်မှာ
ကိုယ့်မိုးရေစက်တွေ
ကိုယ့်ပါးပေါ်မှာ
သူ့မိုးရေစက်တွေ
မဆုံနိုင်ဘူးဆိုတဲ့အတွေးက
မိုးလို ထစ်ထစ်ချုန်းတယ်
ခွဲရမယ်ဆိုတဲ့အသိက
လျပ်စီးလို တဖျတ်ဖျတ်လက်တယ်
ငါတို့
အတူတူသည်းခဲ့ကြဖူးတယ်။

မင်းနဒီခ
၉၊၄၊၂၀၁၄



တစ်ခါတုန်းက(၄)

တံစက်မြိတ်ကစီးကျလာတဲ့ မိုးရေစက်ကို လက်နဲ့ခံရင်း
လွမ်းမိတယ်။

မဆိုင်ဘူးလို့ပဲ ဆိုဆို မပိုင်ဘူးလို့ပဲပြောပြော
သူ့ဆံဖျားမှာ တွဲရွှဲခိုနေတဲ့ မိုးရေစက်လေးကို မနာလိုမိတယ်။

ချစ်ခြင်း ရယ်
နောက်ဆုံးကြွေကျပေးလိုက်ရမှာချင်းအတူတူ
ကိုယ်လိုလူ အတွက်
ခဏတာ တွယ်ဖက်ခွင့်လေးရရင်
ပင်လယ်သမုဒ္ဒရာအထိဆိုရင်လည်း
စီးဆင်းပစ်လိုက်မှာပဲပေါ့။

မင်းနဒီခ
၁၀၊၄၊၂၀၁၄



လက်ထပ်ခြင်းအနုပညာ

လက်ထပ်ခြင်းအနုပညာ

အိပ်မက်မဟုတ်တော့ဘူး
စိတ်ကူးယဉ်မဟုတ်တော့ဘူး
တစ်ယောက်လက်ကို တစ်ယောက်တွဲလို့
တစ်ယောက်ဘ၀ထဲကို တစ်ယောက်တိုးဝင်လို့
နှစ်ယောက် တစ်ဘ၀ဖြစ်ခဲ့ပြီ။

ဘ၀ဆိုတာ
ကံကြမ္မာဓါးပေါက်ရာ
မျက်စိမှိတ်ရင်ကော့ထားရတဲ့ ဖြစ်တည်မှု
တစ်ခါတစ်ခါ ပျော်ရွှင်ခြင်းဟာ
ကမ္ဘာလုံးကြီးထဲ တ၀ူးဝူးမောင်းပြလိမ့်မယ်
တစ်ခါတစ်ခါ နာကျင်ခြင်းဟာ
အမြောက်ထဲကို တစ်ကိုယ်လုံး ထည့်ပစ်လိမ့်မယ်
တစ်ခါတစ်ခါ ကောင်းဆိုးလောကဓံဟာ
ရင်သပ်ရှုမော မျက်လှည့်ပြလိမ့်မယ်
တစ်ခါတစ်ခါ သစ္စာတရားဟာ
ရိုးသားမှုကြိုးတန်းပေါ်မှာ လမ်းလျှောက်ပြလိမ့်မယ်။

ဘယ်လိုဖြစ်ဖြစ်
တစ်ယောက်ကို တစ်ယောက်ချစ်ရင်း
ချစ်ခြင်းနဲ့လျှောက်ရမယ့် လမ်းတလျှောက်
နေလိုလည်း ထွန်းလင်းစေ လလိုလည်း အေးမြစေ
ချစ်ခြင်းနဲ့ တူးဖော်ထားတဲ့ ကန်ရေပြင်မှာ
ကြာလည်း တင့်စေ ရေလည်းမြင့်စေ
ချစ်ခြင်းနဲ့ တည်ဆောက်ထားတဲ့ အိမ်လေးမှာ
ပန်းလည်း ပွင့်စေ ရနံ့လည်း သင်းစေ
ချစ်ခြင်းနဲ့ တသွင်သွင် စီးဆင်းစေ။


မင်းနဒီခ

ဖေဖော်ဝါရီ ၁၄ လက်စွပ်

ဖေဖော်ဝါရီ ၁၄ လက်စွပ်

အဲဒီနေ့က
လစ်ဟာနေတဲ့ သူမလက်သူကြွယ်လေးကို ကြည့်ရင်း
ကျွန်တော် ၀မ်းနည်းတယ်။

နာကျင်စွာ ရယ်မောတတ်အောင် ဘယ်သူသင်ပေးခဲ့ပါသလဲ
ပျော်ရွှင်ခြင်းဟာ ခဏတဖြုတ်လာတယ် ခဏတဖြုတ်ပြန်တယ်
ကိုယ့်ခြေထောက်ပေါ် ကိုယ်ရပ်ဖို့
ကိုယ့်လမ်းကို ကိုယ်ဖောက်ဖို့
ကိုယ့်နှုတ်ခမ်းကိုယ် ကိုက်ပြီး စောင့်ခဲ့ရတဲ့နေ့တွေ
ကိုယ့်အမှောင်နဲ့ကိုယ် မိုက်ခဲ့ရတဲ့ ညတွေ။

အဲဒီနေ့က
လစ်ဟာနေတဲ့ သူမလက်သူကြွယ်လေးကို ကြည့်ရင်း
ကျွန်တော် ၀မ်းနည်းတယ်။

မပြည့်စုံခြင်းဟာ ဘ၀တစ်ခုကို မောပန်းစေခဲ့ပါသလား
သူ့ရင်ခွင်ဟာ ကိုယ့်အတွက် လန်းဆန်းအမောဖြေရာ
ကိုယ့်ပခုံးဟာ သူ့အတွက် မှီတွယ်ခိုနားရာ
အဲဒီလို ဘာမှမရှိတဲ့ ကွက်လပ်လေးမှာ
တစ်ယောက်အပြုံးတစ်ယောက် နားလည်ရင်းနဲ့
ညတွေကို လင်းခဲ့တယ်
တစ်ယောက်စကား တစ်ယောက်အားပေးရင်းနဲ့
နေ့တွေကို ကျော်ခဲ့တယ်။

အဲဒီနေ့က
လစ်ဟာနေတဲ့ သူမလက်သူကြွယ်လေးကို ကြည့်ရင်း
ကျွန်တော် ၀မ်းနည်းတယ်။

`မ´အတွက် ဘာမှမလိုပါဘူးကွယ်လို့ သူပြောတော့
ကျွန်တော်ပိုနာကျင်ခဲ့ရတယ်
မောင့်အတွက် ဘာမှ မလိုပါဘူးကွာလို့ ကျွန်တော်ပြောတော့
သူမ ပိုကြေကွဲရတယ်
တစ်ယောက်နဲ့တစ်ယောက်ဟာ
တစ်ယောက်စိတ်မှာ တစ်ယောက်စွပ်လို့
လစ်ဟာနေတဲ့ လက်သူကြွယ်လေးကို ကိုယ်စီကြည့်ရင်း
ကြည်ကြည်နူးနူး ရယ်မောလိုက်ကြတယ်။

အဲဒီနေ့က
လစ်ဟာနေတဲ့ သူမလက်သူကြွယ်လေးကို ကြည့်ရင်း
ကျွန်တော် ၀မ်းနည်းတယ်။

ဒီနေ့တော့
သူမလက်သူကြွယ်လေးကို ကြည့်ပြီး ကျွန်တော်ပျော်မိတယ်။

ဖေဖော်ဝါရီ ၁၄ လက်စွပ်ဟာ
လစ်ဟာနေတဲ့ သူမလက်သူကြွယ်လေးမှာ တဖိတ်ဖိတ်တောက်လို့
လိုနေတဲ့ ကွက်လပ်လေးကို တလက်လက်ဖြည့်ဆည်းလို့
ငါးနှစ်ကြာမက်ခဲ့တဲ့ အိပ်မက်တစ်ခုကို အသက်သွင်းကိုယ်ထင်ပြလို့
ဖေဖော်ဝါရီ ၁၄ ရက်နေ့မှာ
ကျွန်တော်တို့နှစ်ယောက်
အဲဒီနေ့က
လစ်ဟာနေတဲ့ သူမလက်သူကြွယ်လေးကို ကြည့်ရင်း
ကျွန်တော် ၀မ်းနည်းမိတဲ့အကြောင်း တစိမ့်စိမ့်ပြန်တွေးလို့
ကြည်ကြည်နူးနူးရယ်မောလိုက်ကြတယ်။

မင်းနဒီခ
၁၄၊ ဖေဖော်ဝါရီ၊ ၂၀၁၄




နှစ်ယောက်တစ်လမ်းနဲ့ အနာဂတ်ကို ထမ်းခဲ့တယ်

နှစ်ယောက်တစ်လမ်းနဲ့ အနာဂတ်ကို ထမ်းခဲ့တယ်

သူ့လက်ကလေး ကိုင်ခွင့်ရတဲ့နေ့က
ကျွန်တော်ဖျားတယ်
အဖေရယ်
အမေရယ်
ကျွန်တော်ရယ်
သုံးယောက်သား
သူ့အကြောင်းတွေ ပြောတဲ့ညက
မိုးလင်း လင်းသွားတယ်။

အိမ်သေးသေးလေးတစ်လုံး ဆောက်မယ်
အခန်းသေးသေးလေးတစ်ခန်း ဖွဲ့မယ်
စာအုပ်စင်နဲ့ မှန်တင်ခုံကို
ဘေးချင်းယှဉ်ထားမယ်
မနက်ဆိုရင် အတူတူမျက်နှာသစ်လို့
ညဆိုရင် အတူတူဘုရားဝတ်ပြုလို့
ယဉ်မိတဲ့ စိတ်ကူးမှာ
အပန်းဖြေခရီးလည်းပါတယ်
မီလျှံနာဘ၀လည်းပါတယ်။

ဘာမဆို
တစ်ချို့တ၀က်ဆို မလိုချင်ဘူး
အကုန်လုံးရမှပဲ လိုချင်တယ်ဆိုလို့
သံသရာဘ၀တစ်လျှောက်လုံးကို
သူ့လက်ထဲ ထည့်ပေးပြီး
ဘုရားမှာ သစ္စာဆိုလိုက်တယ်
ဒါမှ မယုံသေးရင်လည်း
လက်ထပ်ကြည့်လိုက်ပါလို့
ကျွန်တော်အတည်ပြောတော့
သူက တခစ်ခစ်ရယ်တယ်။

ဒီလိုနဲ့
လက်ထပ်ပွဲလေးကျင်းပခဲ့ပါတယ်
ဒီလိုနဲ့
ကိုယ့်ဘ၀ကို သူ့ဘ၀နဲ့ထပ်ပြီး
လောကဓံနဲ့ စီးချင်းထိုးခဲ့ကြပါတယ်
ဒီလိုနဲ့
သမီးလေးတစ်ယောက်ရခဲ့ပါတယ်
ကမ္ဘာကြီးက ကျယ်တယ်
မိသားစုလေးက ကျဉ်းပါတယ်
ကျွန်တော်တို့တတွေ
ကမ္ဘာကြီးကို
မိသားစုလေးထဲထည့်ပြီး
ရလာတဲ့ပျော်ရွှင်မှုကို
မျှဝေစားသုံးခဲ့ပါတယ်။

အခုထိ
တစ်ခြားမိန်းကလေးအကြောင်းပြောမိရင်
သူ ကျွန်တော့်ကို စိတ်ကောက်တုန်း
အခုထိ
ဖုန်းခေါ်လို့ ချက်ချင်းမကိုင်ရင်
ကျွန်တော် သူ့ စိတ်ဆိုးတုန်း
အခုထိ
ဆိုင်ကယ်အစုတ်လေးစီးနေတဲ့
ကျွန်တော့်ကို မြင်ရင်
သူ အားနာနေတုန်း
အခုထိ
လက်ထပ်လက်စွပ်လေးလစ်ဟာနေတဲ့
သူ့လက်သူကြွယ်လေးကို မြင်ရင်
ကျွန်တော်အားနာနေတုန်း။

ကျွန်တော်တို့နှစ်ယောက်ဟာ
မမြဲတဲ့တရားမှာ
တစ်ယောက်လက်ကို
တစ်ယောက်မြဲအောင်တွဲရင်း
သံသရာတွင်းနက်နက်ထဲ
ခုန် ခုန်ဆင်းလို့
ချစ်ခြင်းကို တွန်းတင်ခဲ့ကြတယ်
`နိဗ္ဗာန်ဟာ ပျင်းစရာကောင်းပါတယ် အချစ်ရယ်´
အဲဒီလို
တရားလက်လွတ် ကျီစယ်စနောက်ရင်း
ပူလောင်ခြင်းကို ပွေ့ပိုက်ချည်နှောင်လို့
ကိုယ့်နံဘေးက
သူ ပျောက်သွားမှာ စိုးရိမ်ခဲ့ကြတယ်။

နေ့များရှည်လျားလွန်းခဲ့ပေမယ့်
သာယာခဲ့တယ်
ညများ မှောင်မိုက်လွန်းခဲ့ပေမယ့်
ကြည်နူးရတယ်
အခု သူက
ကျွန်တော်နဲ့ သမီးလေး လက်ကိုတွဲ
အခု ကျွန်တော်က
သူနဲ့ သမီးလေး လက်ကိုတွဲ
မိသားစုစည်းဝိုင်းထဲ
ဝိုင်းကြီးပတ်ပတ်ဒူဝေေ၀
ကျွန်တော်တို့တတွေ
ကိုယ့်ဝေစုနဲ့ကိုယ် ပျော်ရွှင်ရင်း
နေတတ်လို့
ကျေနပ်ခဲ့ကြတယ်။

မင်းနဒီခ

၆၊ ဖေဖော်ဝါရီ၊ ၂၀၁၄

မင်းနဲ့ ဝေးတဲ့ ဇန်နဝါရီ

မင်းနဲ့ ဝေးတဲ့ ဇန်နဝါရီ

ဆောင်းရာသီဟာ ငါ့ကို ပူလောင်စေတယ်
အလွမ်းဟာ မီးစွဲနေတဲ့ ထင်းခြောက်လို တဖျစ်ဖျစ်မြည်လို့
နှင်းဟာလည်း နှင်းမဟုတ်တော့သလို
မြူဟာလည်း မီးခိုးလို တငွေ့ငွေ့ အူလို့
မင်းအရိပ် မင်းအရောင်ဟာ
မနက်ခင်းအရုဏ်ဦးမှာ တံလျှပ်လို ဖြားယောင်းလို့
ကြေကွဲစိတ်ဟာ မြက်ဖျားပေါ်က နှင်းစက်လို တွဲလဲခိုလို့
ငါတို့ တစ်ယောက်ကို တစ်ယောက်လွမ်းရတဲ့ ဇန်နဝါရီ
ရာသီမသိလို့ ပန်းနဲ့ညှိဖို့ လိုဦးမလား
မတတ်နိုင်တော့ဘူး
လွမ်းစိတ်မှာ ပန်းတွေ အားလုံးနွမ်းကြေနှုတ်ဆိတ်လို့
ပန်းမြို့တော်ဟာ တိတ်တိတ်ကလေးဆွေးတယ်
ခြောက်ထပ်ကွေ့ဟာ သူပြန်လာမယ့် လမ်းကို မျှော်လို့ ငေးတယ်
ချစ်သူရေ
ဂန္ဓမာပန်းများ ပြည်ချစ်ဘုရားမှာ ကပ်လှူဆုတောင်းခဲ့ပါ
သုံးဆင့်ရေတံခွန်နဲ့ ကန်တော်ကြီးဥယျာဉ်မှာ ပျော်ရွှင်ကြည်နူးခဲ့ပါ
မင်းရှိနေတဲ့ နေရာမှာ ငါရှိနေသလို စိတ်ကိုတွေးလို့
ချစ်ခြင်းတရားကို ဝတ်မှုံကူးပါ
မင်းပျော်ရွှင်မှုဟာ ငါ့ပျော်ရွှင်မှုပါပဲဆိုတာ
ကဗျာအဖြစ်ရေးတဲ့ စာသားသက်သက်မဟုတ်ပါဘူး
ငါစောင့်နေမယ်
မင်းပိတ်မသွားတဲ့ အိမ်ရှေ့တံခါးလေးမှာ ရပ်စောင့်ရင်း
မင်းပြန်လာမယ့် တောင်ပေါ်အဆင်းလမ်းလေးကို ငေးရင်း
ဆောင်းရနံ့သင်းတဲ့ ညဆီက မင်းကိုယ်ငွေ့နွေးနွေးကို ပြန်တွေးရင်း
ငါစောင့်နေမယ်
ပြန်လာမယ်ဆို ဖုန်းကြိုမဆက်ပါနဲ့
မျှော်လင့်ခြင်းရဲ့ စက္ကန့်တစ်ချက်ချက်သံကြားမှာ
ငါ
အံ့သြပျော်ရွှင်ပါရစေ။

မင်းနဒီခ
၈ ဇန်နဝါရီ ၂၀၁၄



ဆောင်းခေတ်ရုပ်ကြွင်း

ဆောင်းခေတ်ရုပ်ကြွင်း

လရောင် ဝါ လို့
ဆံနွယ်တွေ ဝါ နေတော့တာလား
မလာတဲ့နှင်းကို
ဒီသီချင်းလည်း ဆို မပြချင်ဘူး။

ပျံ့လွင့်လာတဲ့ ညမွှေးပန်းလို
အချစ်ဟာ ရနံ့ကို ပြပြပြီး ပြေးတယ်
အမှောင်ဟာ
လရောင်ကို ဘယ်မှာ ၀ှက်ထားခဲ့ပါသလဲ
ညဉ့်နက်လေ အလွမ်းခက်လေ။

မီးပုံးပျံလို
တအုန်းအုန်းတောက်လောင်ပြီး
အလှပဆုံး ပျံတက်သွားလို့လည်း မရ
ဆောင်းက
အိပ်မက်ကို အချမ်းပေါ့စေတယ်။

ဘယ်မှာလဲ ဘယ်မှာလဲ
နှင်းတွေကြားက နွေးသောလက်တွေ
တစ်ယောက်တည်း လျှောက်ရပေမယ့်
နှစ်ကိုယ်စာ လမ်းမို့ ကျယ်တယ်။

ကိုယ့်မီးစာနဲ့ ကိုယ်ရင်ငွေ့လှုံရင်း
ကိုယ့်နှုတ်ခမ်းကိုယ်သာ ဖိဖိကိုက်နေရ
ပြန်ကျလာတဲ့ မီးပုံးပျံလေးကျမှ
ကိုယ်ပဲ ဖြစ်နေရ။

မပြယ်ပါနဲ့ အလွမ်းရေ
ဆောင်းချမ်းချမ်း မချမ်းချမ်း
နှလုံးသားနဲ့
ဒီရာသီလေးကို ထမ်းထားပါ့မယ်။

အစွဲအလန်းနဲ့
သံသရာမြူနှင်း ထူချင်လို့။

မကြွေပါနဲ့ မေ့မျက်ရည်
အနမ်းတစ်ခန်း အလွမ်းတစ်ခန်း
ပါးတစ်ခြမ်းနဲ့
ဒီချစ်ခြင်းကို ထားခဲ့ပါမယ်။

သံသရာအဆက်နဲ့
ဒီအပူကို တစ်ခန်းမရပ်ချင်လို့။

စို့နေတဲ့ မျက်တောင်ရိပ်က နှင်း
အခု
ဘယ်ကို ကြွေဆင်းရမလဲကွယ်

မောင်နိုင်လင်း(ကောလင်း)၊ မင်းနဒီခ
၁၇၊ နိုဝင်ဘာ၊ ၂၀၁၃

မနက် ၁ နာရီ ၂၅ မိနစ်

ချစ်သူသို့

ချစ်သူသို့

ပျော်ရွှင်ပါစေ ချစ်သူ
ချစ်ခြင်းမေတ္တာဟာ
ငါတို့ စိုက်ပျိုးခဲ့တဲ့ သစ်ပင်ဆိုရင်
သမီးလေးဟာ
အဲဒီအပင်က ပွင့်တဲ့ပန်းကလေးပေါ့။

ပျော်ရွှင်ပါစေ ချစ်သူ
နားလည်မှုဆိုတာ
ငါတို့ကြားမှာ
အလေ့ကျပေါက်ခဲ့တဲ့ မြက်ပင်တွေ မဟုတ်ဘူး
အနှစ်နှစ်အလလ ပျိုးကြဲယူခဲ့ရတယ်
အနှစ်နှစ်အလလ ကိုင်းဆက်ယူခဲ့ရတယ်
အခုလည်း
သစ္စာတရားကို ပိုးမွေးသလို မွေးမြူရသလို
သမီးလေးကိုလည်း
ငါတို့
ပိုးမွေးသလို ဆက်မွေးမြူကြတာပေါ့။

ပျော်ရွှင်ပါစေ ချစ်သူ
ငါတို့ လျှောက်တဲ့လမ်းဟာ အလိုလို ပန်းမပွင့်ခဲ့ဘူး
တမင်တကာ ခင်းယူရတယ်
ငါတိုဖြတ်ခဲ့တဲ့ တံတားဟာ အလိုလိုချိတ်ဆက်ထားတာမဟုတ်ဘူး
ကိုယ်တိုင် ထိုးယူခဲ့ရတယ်

ပျော်ရွှင်ပါစေ ချစ်သူ
ငါစိတ်ညစ်တဲ့အခါ `မ မရှိလို့ မဖြစ်´ သီချင်းကို ဆိုမယ်
နင်စိတ်ညစ်တဲ့အခါ ` ချစ်တယ် ချောရယ်´ ဆိုတဲ့ ကဗျာကို ဖတ်ပေါ့
အခက်အခဲတွေ တွေ့တိုင်း
ကိုညီထွဋ်ရဲ့ ရှင်သန်ခြင်း သီချင်းကို
နှစ်ယောက်အတူတူ ဆိုရင်း ဖြတ်သန်းကြမယ်

ပျော်ရွှင်ပါစေ ချစ်သူ
ငါ့လက်ကို တွဲပါ
ငါ့ပခုံးသားပေါ်မှာ အိပ်စက်ပါ
နီးနီးဝေးဝေး ငါ့နှလုံးသားကို ဖုန်းခေါ်ပါ
ငါပထမဆုံးပေးတဲ့ ရည်းစားစာဟာ
ထာဝရမပြောင်းလဲတဲ့ ငါ့မေတ္တာပါပဲ

ပျော်ရွှင်ပါစေ ချစ်သူ
ငါတို့ရန်ဖြစ်ကြ ငါတို့ ပြန်ချစ်ကြ
အမှတ်တရနေ့စွဲတွေကို
ပြက္ခဒီန်စာရွက်ပေါ် ထပ်ထပ်တိုးရင်း
ငါတို့ ပျော်ရွှင်ကြ  ငါတို့ ရယ်မောကြ
သံသရာကို မကြောက်တမ်း
လက်ဆင့်ကမ်းလိုက်တဲ့ ကြိုးတွေနဲ့
ငါတို့ တစ်ယောက်ကို တစ်ယောက် ချည်နှောင်ကြ
မြင်သူတကာ အားကျတဲ့ မိသားစုဘ၀ကို
ငါတို့ ရခဲ့တယ်
ငါတို့ ရခဲ့တယ်။

ပျော်ရွှင်ပါစေ ချစ်သူ
မွေးနေ့မှာ စ၍ နောင်လာမယ့် နေ့ရက်တိုင်း
ငါ့ရင်ခွင်ထဲ မှေးစက်တိုးဝင်လို့
ငါ့အနာဂတ်ကို မီးအိမ်ထွန်းလမ်းပြလို့
မိသားစုချစ်ခြင်းမေတ္တာကို ခံစား
ငါ ဆုတောင်းပေးလိုက်ပါတယ်
ပျော်ရွှင်ပါစေ
ပျော်ရွှင်ပါစေ ချစ်သူ
ထာဝရ ပျော်ရွှင်ပါစေ ချစ်သူ။



မင်းနဒီခ
(၁၈ ဇူလိုင်မှာ ကျရောက်တဲ့ မွေးနေ့အတွက် ချစ်ခြင်းကဗျာ)