အစ်ဇင်များနှင့် နေထိုင်ခြင်း

အစ်ဇင်များနှင့် နေထိုင်ခြင်း

        ၁၉၆၀ အနောက်နိုင်ငံတွေမှာ မော်ဒန်ဝါဒ ကျဆုံးပြီး ပို့စ်မော်ဒန်ဝါဒတွေ ထွန်းကားတဲ့ အချိန် ကျမှ  ကျွန်တော်တို့ဆီမှာ မော်ဒန်ကို စတင်တွေ့ရှိခဲ့ပါတယ်။ မော်ဒန်(၀ါ) ခေတ်ပေါ်ကဗျာရဲ့ မြစ်ဖျားခံ စီးဆင်းမှုကတော့ သပြေညိုဝပ်ရှော့နဲ့ ဆရာမောင်သာနိုးဘာသာပြန်တဲ့ ထင်းရှူးပင်ရိပ်ပါပဲ။  ဆရာ မြဇင်က ၁၉၆၉ ခုနှစ်မှာ မော်ဒန်ကဗျာ(၀ါ) ခေတ်ပေါ်ကဗျာရဲ့ ယေဘုယျလက္ခဏာတွေကို ခေတ်ပေါ် ကဗျာကြေညာစာတမ်းအဖြစ် ငွေတာရီမဂ္ဂဇင်းမှ တဆင့် အောက်ပါအတိုင်းချပြခဲ့ပါတယ်။

        ခေတ်ပေါ်ကဗျာဟာ

        ၁။ ထွေပြားတယ်။ ရိုးရိုးစင်းစင်းမဟုတ်။

        ၂။ သိပ်သည်းတယ်။ ကျဲတဲတဲမဟုတ်။

        ၃။ ကျယ်ကျယ်ဝန်းဝန်းလွှမ်းခြုံတယ်။ မကျဉ်းမြောင်း။

        ၄။ ရိပ်ကာဝဲကာပြောတယ်။ တိုက်ရိုက်မပြော။

        ၅။ ဧကန်သဘောတရားဆောင်တယ်။ ပြုအပ်တဲ့ တရားမဆောင်။

        ၆။ အကွက်သဘောဆောင်တယ်။ မျဉ်းသဘောကို မဆောင်။

        နောက်ထပ်ပြောတာက ခေတ်ပေါ်ကဗျာဟာ နေ့စဉ်အရပ်သုံးစကားကို စကားပြောရစ်သမ်နဲ့ ရေးတယ်။ ကဗျာမြောက်တဲ့အရေးအဖွဲ့နဲ့ ခေတ်ပေါ်အာရုံခံစားမှုကိုဗဟိုပြုရမယ်ဆိုတာပါပဲ။ ကျွန်တော် နားလည်သလို အကြမ်းအားဖြင့် ထပ်ပြောရမယ်ဆိုရင် ခေတ်ပေါ်ကဗျာ တည့်မပြောဘူး။ အနှစ်ချုပ် သဘောပြောတယ်။ နမိတ်ပ၊ုံ သင်္ကေတသုံးတယ်။ စကားပြောရစ်သမ်နဲ့ အရပ်သုံးစကားသုံးစွဲတယ။် ကာရန်ထက် ရစ်သမ်ကို အားပြုရေးတယ်။ ကာရန်ပါချင်ပါ မပါချင်နေ ထည့်မတွက်ဘူး။ ကဗျာတစ်ပုဒ် လုံးက စုစည်းထားသလို ဖြစ်နေတယ။် ပြောရရင် လုံးဝန်းသော ပုံသဏ္ဍာန်ဖြစ်တယ်။ ကဗျာဖတ်သူ ဟာ ကဗျာ့အတွင်းသားထဲမှာပဲ သိမှုကို ရှာနိုင်တယ်။ အနောက်နိုင်ငံတစ်ချို့ရဲ့ မော်ဒန်ဝါဒအောက်က သီးခြားအနုပညာအစ်ဇင်တွေကို လေ့လာကြည့်ရင် Symbolism, Expressionism, Futurism, Surrealism, Dadaism, Cubicism, Imagism, စသည်ဖြင့် ဆင့်ကဲဖြစ်ထွန်းခဲ့ပါတယ်။ လေ့လာထား တဲ့အထဲက ထည့်ပြောရရင် ၁၉၆၀ ခုနှစ်များမှာ ရောဘတ်လိုဝဲနဲ့ ဂျွန်ဘယ်ရီမန်းစတဲ့ လူငယ်တွေဟာ မော်ဒန်ကဗျာတွေရဲ့ လက်ဝါးကြီးအုပ်မှုအောက်ကနေ ရုန်းထွက်ဖို့ လမ်းစတွေ ရှာလာကြတယ်။ သူတို့ ကို အိလိယော့၊ အက်ဇရာပေါင်းတို့ရဲ့ ချိုးကျူးခံရမှုတွေနဲ့အတူ တတိယမျိုးဆက်လို့ အသိအမှတ်ပြုခဲ့ ကြတယ်။ အဲဒီတတိယမျိုးဆက်အားလုံးလိုလိုဟာ အောလ်ဆမ်ရဲ့ Projective Verse ကြေညာ စာတမ်းရဲ့ လွှမ်းမိုးမှုကို ခံခဲ့ရတယ်။ ၁၉၆၀ နဲ့ ၁၉၇၀ ကြားကာလတွေမှာ ပို့စ်မော်ဒန်ဝါဒဟာ တည်ဆောက်ဆဲအနေအထားပဲ ရှိနေတယ်။ Beat, Black Mountain, Confessional, Lyric, Deep Image စတဲ့ ကဗျာဝါဒသစ်တွေကို ပို့စ်မော်ဒန်လိုလို မော်ဒန်နှောင်းပိုင်းလိုလိုနဲ့ ဝေေ၀၀ါးဝါးဖြစ်ခဲ့ရတဲ့ အထိ ပို့စ်မော်ဒန်ရဲ့အစဟာ အခက်အခဲတွေနဲ့ ရင်ဆိုင်ခဲ့ရတယ်။ ၁၉၇၀ နဲ့ ၁၉၈၀ နောက်ပိုင်းမှာတော့ ပို့စ်မော်ဒန်လို့ တိတိကျကျပြောလို့ရတဲ့ ကဗျာဝါဒတွေ ပေါ်ပေါက်လာတယ်။ အထင်ရှားဆုံးနဲ့ အလှုပ်ခတ်ဆုံးကတော့ ၁၉၆၇ ခုနှစ်မှာ ပေါ်ပေါက်ခဲ့တဲ့ စိတ်ကူးညဏ်အဓိက၀ါဒ Conceptual နဲ့ ၁၉၇၈ မှာ L=A=N=G=U=A=G=E မဂ္ဂဇင်းကနေ ပေါ်ထွက်လာတဲ့ Language Poetry ပါပဲ။ အဲဒီ LP ကဗျာရဲ့ အဓိကအလုပ်လုပ်ခြင်းကတော့ ဘာသာစကားအပေါ်မှာ ဗဟိုပြုတည်ဆောက် ရေးဖွဲ့ခြင်း ပါပဲ။

        မော်ဒန်နောက်ပိုင်း ပို့စ်မော်ဒန်ခေတ်ဦးလည်းရောက်ရော မော်ဒန်တုန်းက ကျွန်တော်တို့ သိ ထားတာတွေ အားလုံးဟာ ပြောင်းပြန်ဖြစ်သွားတယ်။ ကဗျာပုံသဏ္ဍာန်က ဂငယ်ပုံဖြစ်သွားတယ်။ ကဗျာထဲ ထည့်ထားတဲ့ စကားလုံးတွေ ဝါကျတွေကို အဲဒီ အပေါက်ကြီးထဲကနေ ကဗျာဖတ်သူက ပြန် လိုက်ကောက်ပြီး သိမှုကို တည်ဆောက်ယူရတယ်။ ကဗျာဖတ်သူရဲ့ အလုပ် ပိုများလာတယ်။ ခက်လာ တယ်။ ကဗျာဖတ်သူကိုယ်တိုင် ဘာတွေသိထားလဲဆိုတာကိုပါ ကဗျာဆရာက ပြန်မေးခွန်း ထုတ်လာ တယ်။ ဒီဘက်ပိုင်း Contemporary တွေကျတော့ မော်ဒန်ရော ပို့မော်ဒန် ကိုပါ ဆန့်ကျင်တယ်။ စကားလုံးသုံးစွဲမှုရိုးရှင်းအောင် အားထုတ်လာတယ။် တစ်ချို့ Hybrid တွေမှာကျတော့ အားလုံးယူ သုံးတယ်။ ရောရေးတာ ရှိတယ်။ ကျွန်တော်အဓိကပြောချင်တာက  မော်ဒန်ကိုနားလည်မှ ပို့စ်မော်ဒန် ကို နားလည်မယ်။ ဘာဖြစ်လို့လဲဆိုတော့  မော်ဒန်ရဲ့ ယေဘုယျလက္ခဏာ တွေကိုသိမှ ပို့စ်မော်ဒန်က မော်ဒန်ကို ဘယ်လိုဆန့်ကျင်တာ သိမှာဖြစ်တယ်။ အဲဒီလိုပဲ မော်ဒန်၊ ပို့စ်မော်ဒန်ကို သိမှ Contemporary ကို ပိုနားလည်မှာဖြစ်တယ်။  ပို့စ်မော်ဒန်သမားတွေက ဖြစ်နိုင်ချေတွေကို တန်ဖိုးထားတယ်။ ဥပမာ တစ်ဆိုရင် မော်ဒန်က ပထမ တို့ ထိပ်ဆုံးတို့ သုံးလိုက် တယ်။ ပို့စ်မော်ဒန်သမားကတော့ အဲဒီတစ်ဟာ သုညကနေ တိုးတက်တာလား။ နှစ်ကနေ လျော့သွား တာလား။ အဲဒီလို စဉ်းစားတယ်။ Hybrid တို့ Experimental တို့ကတော့ ပို့စ်မော်ဒန်နှောင်းပိုင်း ကာလာတွေပေါ့။ အကြမ်းအားဖြင့် စမ်းသပ်ကဗျာတွေပါပဲ။ အလွယ်ကူဆုံးနဲ့ အရှင်းဆုံး ထပ်ပြောရရင် ခေတ်ပေါ်ကဗျာက အတွင်းကနေ အပြင်ကို ထွက်တယ်။ ခေတ်ပေါ်နောက်ပိုင်း ကဗျာအမျိုး အစားတွေကတော့ အပြင်ကနေ အတွင်းကို သွားတယ်။ တစ်ချို့ဟာတွေက စာသိထက် သညာသိက ပိုကောင်းတယ်။ အခုကျွန်တော်ပြောနေတာ တွေကိုက ပို့စ်မော်ဒန်အယူအဆအရ စာသားတွေ စကားလုံးတွေပဲ။ သိမှုမဟုတ်သေးဘူး။ တကယ့် သိမှုက ကိုယ်တိုင်ကို တည်ဆောက်ယူရတာ။ အခုဖတ်လိုက်လို့သိလိုက်တာကို သိမှုလို့ မခေါ်သေး ဘူး။ ကိုယ်တိုင်တည်ဆောက်ပြီးက ဒါက ဘာလို၊ ဒါက ဘယ်လို စသဖြင့် လုပ်ယူရတာ။ ပို့စ်မော်ဒန်က ခံစားမှုထက် တည်ဆောက်မှုကို ဦးစားပေးတယ။် မော်ဒန်မှာ အများအားဖြင့် ပုဂ္ဂိုလ်ရေးနာကျင်မှု၊ ပတ်ဝန်းကျင်၊ မေတ္တာဘွဲ့စသဖြင့် တစ်စုံတရာကို ဦးတည်မှုရှိတယ်။ တနည်းပြောရရင် ပန်းတိုင်ရှိတဲ့ ကဗျာတွေများခဲ့တယ်။ မော်ဒန်နောက်ပိုင်း ကဗျာ တွေကတော့ ပန်းတိုင်ကို စိုက်ယူရတယ်။ အဲဒီတော့ ကဗျာဖတ်သူကိုယ်ခံအား ဘယ်လောက်ရှိလဲ ဆိုတဲ့မေးခွန်းတွေ ခဏခဏ ပြန်မေးခံရတယ်။ တစ်နေ့ က ကျွန်တော် နှစ်ကြောင်းကဗျာ( Couplet Poem)  တွေ အများကြီးရေးမိတယ်။ အဲဒီထဲက တစ်ပုဒ် ပြောမယ်။ ခေါင်းစဉ်က ကဗျာဆရာ။

ကျွန်တော် ကဗျာဆရာပါ

ကျွန်တော့်ကဗျာကို ကဗျာဆရာတွေ ဖတ်ပါတယ်

        နှစ်ကြောင်းထဲပဲ။ ဒါပေမယ့် အဲဒီကဗျာအောက်က ကွန်မန့်တွေကြည့်လိုက်ရင် (ကျွန်တော်/မတို့ လည်း ဖတ်ပါတယ် တို့။ ငါတို့လည်း ဖတ်ပါတယ်)တို့ ရေးကြတယ်။ တကယ်တမ်းကျတော့ ကျွန်တော် ရည်ရွယ်တာ အဲဒီလောက်မဟုတ်ဘူး။ အဲဒီထက် မကဘူး။ အများစုက ကျွန်တော့်ကဗျာရဲ့ ပြောချင်သ လောက်ထိ မရောက်ကြဘူးလို့ မြင်တယ်။ ကျွန်တော်ပြောချင်တာက  ကဗျာကို ဖတ်လိုက်တာနဲ့ အဲဒီ လူဟာ ကဗျာဆရာပဲလို့ ကို ပြောချင်တာ။ ကဗျာတစ်ပုဒ်ကို ဖတ်တော့မယ်ဆိုရင် ကဗျာဖတ်သူဟာ တစ်စိတ်တပိုင်း ကဗျာဆရာဖြစ်နေရ မယ်။ ပြောရရင် တစ်ဝက်ကဗျာဆရာဖြစ်နေ ရမယ်။ ကဗျာဆရာ နီးပါးလောက်မှ မခံစားနိုင်ရင် ကဗျာကို နားလည်ဖို့ မလွယ်ဘူး။ ဒါကြောင့် ကဗျာကိုဖတ်သူဟာ ကဗျာဆရာလို့ ကျွန်တော် တင်စားပစ်လိုက်တာပါ။ တကယ်တမ်းကျတော့ Couplet Poem တွေဟာ ပို့စ်မော်ဒန်ခေတ်ဦး တုန်းက ထွန်းကားခဲ့တာ Minimalism အမျိုးအစားကဗျာတွေပေါ့ ။ စကားလုံး အနည်းဆုံးနဲ့ သိမှုကိုပေးတယ်။ အပိုလို့ ထင်ရတဲ့ စကားလုံးတွေ၊ သွယ်ဝိုက်နေတဲ့ အရေးအသား တွေ ကို ဖဲ့ထုတ်ပစ်တယ်။ မော်ဒန်ရဲ့ တည်ဆောက်ပုံကို ဆန့်ကျင်တယ်။ မော်ဒန်ကဗျာရဲ့ နမိတ်ပုံ အားကိုးမှုကို ဖျက်ပစ်တယ်။ ပြောရရင် ပို့စ်မော်ဒန်သမားတွေအကြိုက်ဆုံးက ဖရိုဖရဲဖြစ်မှုတွေပဲ။ မော်ဒန်ရဲ့ Form ပုံစံနဲ့ Content အကြောင်း အရာပိုင်း အားကိုးမှုကို ဆန့်ကျင်တယ်။ 

ပို့စ်မော်ဒန်ရဲ့ အဓိကလက္ခဏာတွေဆိုရင် အကြမ်းအားဖြင့်

၁။ ဖြစ်ဆဲ တည်ဆဲ ရောက်ဆဲခ ဏတာအချိန်လေးကို ဂရုစိုက်တယ်

၂။ စာသားပြေပြစ်စီးဆင်းမှုကို ဆန့်ကျင်ပြီး ပိုင်းစစိတ်မွှာဖြတ်တောက်ပစ်ရတာကို သဘောကျတယ်။ ၃။ အဖြောင့်သဘောအဓိပ္ပာယ်တွေကို အချိုးဖျက်တယ်။

၎။စာသားစကားလုံးတွေကိုအထပ်ထပ်ဆင်ခြင်တယ်။

(ဥပမာ-ရှေ့ကစကားလုံးကို နောက်စကားလုံးက ပြန်ပြီး မေးခွန်းထုတ်တာမျိုး)

၎။ မော်ဒန်ဟာ သိမှုဗေဒကို အခြေခံတယ်ဆိုရင် ပို့စ်မော်ဒန်ဟာ အဲဒီသိမှုကနေရလာတဲ့ အရှိတရား Reality ကို အခြေခံတယ်။

        ထူးထူးခြားခြားပြောရရင် ပို့စ်မော်ဒန်ဟာ ဗုဒ္ဓဘာသာရဲ့ အခြေခံသဘောတရားတွေနဲ့ အရမ်း နီးစပ်တယ်။ ဥပါဒ၊် ဌ၊ီ ဘင် သဘော။ ဖြစ်ပျက်သဘော။ ပို့စ်မော်ဒန်ဝါဒရဲ့ နောက်ထပ် အကြီးမားဆုံ ပန်းတိုင်ဟာ မတည်မြဲခြင်းပဲ။ အနိစ္စပဲ။ ပို့စ်မော်ဒန်ရဲ့ အကိုင်းအခက်တွေအဖြစ် ဆင့်ကဲတိုးတက်မှု (Evolution) ခေါ်မလား။ ပို့စ်မော်ဒန်နောက်ပိုင်း Contemporary ကဗျာအမျိုးအစားတွေ ကတော့ မော်ဒန်ရော ပို့စ်မော်ဒန်ကိုရော ဆန့်ကျင်တယ်။ Hybrid, Experimental တို့ကတော့ စမ်းသပ် ကဗျာ ပါပဲ။ သူတို့ကတော့ မော်ဒန်နည်းနာတွေရော ပို့စ်မော်ဒန်နည်းနာတွေရော ရောနှော သုံးပြုကြ တယ်။ ထပ်ပြောရရင် မော်ဒန်ကိုသိမှ ပို့စ်မော်ဒန်ကို သိမယ်။ ပို့စ်မော်ဒန်ကို နားလည်မှ ကွန်တမ်ပယ်ရီကို ပိုနားလည်မယ်။ သီအိုရီကို တကယ်နားလည်သွားရင် ရေးချင်တာရေး ကြိုက်တဲ့ တံဆပ်ကပ်လို့ ရတယ်ဆိုတာ မှန်ပါတယ်။ ခေတ်အဆက် ဆက်တည်ဆောက်မှုမှာ ကဗျာဟာ စကား လုံးအဖြစ်ကနေ ကျော်သွားလို့မရတဲ့ အတွက် ခေတ်အဆက်ဆက် သီအိုရီတွေ ဟာလည်း တစ်ခုနဲ့တစ်ခုချိတ်ဆက်/ ဆန့် ကျင်ရင်း အခြားနည်းနာသီအိုရီတစ်ခုအဖြစ် ကျွန်တော်တို့ထပ်မံတွေ့ရှိနေ ဦးမှာပဲ။ နောက်ဆုံးအဆုံး သတ်ပြောရရင် မော်ဒန်ကဗျာဟာ အတွင်းကနေ အပြင်ကိုသွားတယ် ပို့စ်မော်ဒန်ဟာ အပြင်ကနေ အတွင်းကို ပြန်ဝင်လာတယ်။ ထပ်ပြောရရင် ပို့စ်မော်ဒန်ရဲ့ အပိုင်းပိုင်း အစစပြတ်တောက် နေတဲ့ စာသားအစုအဝေးကြီးတစ်ခုလုံးက လူလုပ်လောကကြီးရဲ့ ဖရိုဖရဲဖြစ်မှု၊ မတည်မြဲမှုနဲ့ အရှိတရား အစစ်အမှန် ဆီကို ပဲ ပြန်ရောက်တယ်။ အဲဒါကို အပြင်က အတွင်းကိုပဲ ပြန်ဝင်လာတယ်လို့ ပြောချင် တယ်။ မော်ဒန်ကဗျာကတော့ ကျစ်လစ်ပြေပြစ်တဲ့ နမိတ်ပ၊ုံ သင်္ကေတ၊ ရစ်သမ် အနိမ့်အမြင့် စတာ တွေနဲ့ ကဗျာဖတ်သူကို ဖြန့်ကျက်တွေးစေတယ်။ ကဗျာထဲက နာကျင်မှု၊ပျော်ရွှင်မှု စတာတွေကို ကဗျာ ဖတ်သူကို ကူးစက်ပြန့်ပွားစေတယ်။ တစ်စုံတစ်ရာကို သတိရစေတယ်ပေါ့ဗျာ။ အကြမ်းအားဖြင့် ကျွန်တော် နားလည်ထားသလောက် ပြန်ပြီး Sharing လုပ်တဲ့သဘောပါ။ အချက် အလက်နဲ့ အတွေး အခေါ်ပိုင်းများမှာလည်း မှားနိုင်ပါတယ်။ ကိုယ်တိုင်လေ့လာတာပြီး သိမှုတည်ဆောက်တာ အကောင်း ဆုံးပါပဲ။ အဲဒါကလည်း ပို့စ်မော်ဒန်ရဲ့ သဘောတရားထဲမှာပါပါတယ်။ ကျွန်တော် အခုရေးလိုက်တာက စကားလုံးတွေပါပဲ။ ပို့စ်မော်ဒန်လည်းမဟုတ်ဘူး ။ ဘာမှ မဟုတ်ဘူး။ မြန်မာအက္ခရာနဲ့ ရေးလိုက်တဲ့ မြန်မာစကားလုံး၊ စာလုံးတွေပါပဲ။ အဲဒါကို ခင်ဗျားတို့က ဖတ်ပြီး နားလည်ဖို့ ကြိုးစားကြည့်ရမယ်။ နားလည်လာတဲ့အခါ ကိုယ်ပိုင်သိမှု တည်ဆောက်ရမယ်။ ကိုယ်ပိုင်သိမှုကနေ ပြန်ထွက်လာတဲ့ အရာ ဟာ အရှိတရားပဲ။ ပို့စ်မော်ဒန်သမားတွေက အဲဒီအထိသွားချင်တာ။ အားလုံးကို ကျေးဇူးတင်ပါတယ်။

မင်းနဒီခ

ကိုးကား။ ဇော်ဇော်အောင် - ပန်းချီဝါကျများ

            မင်းခက်ရဲ - ပို့စ်မော်ဒန်စာပေသမိုင်း

             -