ငါတို့ ဗိုလ်ချုပ်ကို ပြန်ပေး
၂၀၁၅၊
ဖေဖော်ဝါရီ၊ ၁၃ ရက်နေ့ဆိုရင် ကျွန်တော်တို့ တိုင်းပြည်လွတ်လပ်ရေးဖခင်၊
အမျိုးသားခေါင်းဆောင်ကြီး ဗိုလ်ချုပ်အောင်ဆန်းမွေးနေ့ နှစ်(၁၀၀) ပြည့်မှာ
ဖြစ်ပါတယ်။ အဲဒီလို ထူးထူးခြားခြားကြုံဆုံရတဲ့ ဗိုလ်ချုပ်ရာပြည့်နှစ်အတွက်
မြန်မာတစ်နိုင်ငံလုံးက ရာပြည့်ပွဲတွေ ကျင်းပကြတယ်။ ရာပြည့်အမှတ်တရ
စာပေဟောပြောပွဲတွေ၊ မဂ္ဂဇင်းတွေ၊ ကဗျာစာအုပ်တွေ၊ ဆောင်းပါးပေါင်းချုပ်တွေ၊
သီချင်းတွေ၊ ပြဇာတ်တွေ၊ ရုပ်ရှင်တွေ စသည်ဖြင့် ဗိုလ်ချုပ်နဲ့ ပတ်သက်တဲ့
အကြောင်းအရာတွေကို တင်ဆက်ဖွဲ့ဆို ကျင်းပကြမှာ ဖြစ်ပါတယ်။ ဒါကလည်း
တိုင်းပြည်တစ်ခုလုံး သူ့ကျွန်ဘ၀ လွတ်မြောက်ရေး၊ တိုင်းပြည်လွတ်လပ်ရေး၊
တိုင်းပြည်ကောင်းစားရေးအတွက် ကိုယ်ကျိုးစွန့်၊ အနစ်နာခံ၊ အခွင့်အရေး မယူဘဲ
ကြိုးစားပေးခဲ့တဲ့ အောင်ဆန်းစိတ်ဓါတ်၊ အောင်ဆန်းပုံရိပ်ကို အနာဂတ်မျိုးဆက်အတွက်
သမိုင်းလက်ဆင့်ကမ်း သယ်ဆောင်ခြင်းလည်းဖြစ်ပါတယ်။ အနာဂတ်လူငယ်မျိုးဆက်သစ်တွေဟာ
ဗိုလ်ချုပ်အောင်ဆန်းဟာ ဘယ်လိုလူလဲ၊ ဘယ်လိုစိတ်ဓာတ်ရှိသလဲ၊ တိုင်းပြည်အပေါ်မှာ ဘာတွေ
လုပ်ဆောင်ပေးခဲ့သလဲဆိုတာ တကယ့်ထဲထဲဝင်ဝင်သိဖို့ လိုအပ် ပါတယ်။ အခုလို နှစ် ၁၀၀
သက်တမ်းအတွင်းမှာ ဒီနေ့ထိ တဖွဖွရွတ်ဆိုပြီး မမေ့နိုင်ဖြစ်နေရတာ၊ ဗိုလ်ချုပ်လို
လူမျိုး တိုင်းပြည်မှာ ပေါ်ထွက်လာဖို့ စောင့်မျှော်ရတာ ဘာဖြစ်လို့လဲဆိုတာ ဒီကနေ့
တိုင်းပြည်အခြေအနေ၊ အဖြစ်အပျက် အရှိ တရားတွေက သက်သေပါပဲ။ အခုလက်ရှိတိုင်းပြည်အခြေအနေဟာ
ဗိုလ်ချုပ်ဖြစ်စေချင်တဲ့ တိုင်းပြည်တစ်ပြည် ဖြစ်မလာ ခဲ့တာတော့ အသေအချာပါပဲ။ ဗိုလ်ချုပ်သာ ရှိနေသေးရင် ကျွန်တော်တို့
တိုင်းပြည်ဟာ အခုလက်ရှိရင်ဆိုကြုံတွေ့နေရတဲ့
အဖြစ်ဆိုးတွေ ဘယ်နည်းနဲ့မှ ဖြစ်မလာနိုင်ပါဘူး။ ဗိုလ်ချုပ်ဟာ
တိုင်းသူပြည်သားတစ်ယောက်ချင်းစီရဲ့ အကျိုးစီးပွားအထိ မျှော်ကိုးပြီး တိုင်းပြည်ကို
တည်ဆောက်ချင်သူတစ်ယောက်မို့ပါ။ သစ်တောကြီးတစ်ခုထဲ ကြည့်တတ်သူမဟုတ်ဘဲ အဲဒီ
သစ်တောကြီးထဲက သစ်ပင်လေးတစ်ပင်စီရဲ့ ရေသောက်မြစ်ကနေ အပွင့်အခက်ရနံ့အထိ
လှပဖွံ့ဖြိုးစေလိုသူ တစ်ဦး ဖြစ်တဲ့ အတွက်ကြောင့်ပါ။ ဗိုလ်ချုပ်သာ ရှိနေသေးရင်
ဧရာဝတီမြစ်ကြီးလည်း ရောင်းစားမခံရနိုင်ဘူး။ လက်ပံတောင်း တောင်လည်း
ဖြိုချရောင်းစားခံရမှာ မဟုတ်ဘူး။ ဒါတို့မြေ ဒါ တို့ပြည် တို့ပိုင်တဲ့မြေမှာ
တိုင်းတပါးအကျိုးစီးပွားအတွက် ကိုယ့်လူမျိုး ကိုယ်ပြန်သတ်တဲ့ မြင်ကွင်းတွေလည်း
ဖြစ်လာနိုင်စရာမရှိဘူး။ လူမျိုးခြားတိုင်းတပါးသားတွေရဲ့ စီးပွားရေး ဈေးကွက်
ချဲ့ထွင်မှုနဲ့ လူမျိုးရေးစိမ့်ဝင်ဝါးမျိုမှုတွေလည်း ခံရမှာ မဟုတ်ဘူး။ ဒါဟာ
ဗိုလ်ချုပ်အသက်ရှင်နေထိုင်ခဲ့တဲ့ ၃၂ နှစ်တာ ကာလ ဖြတ်သန်းမှုမှာ
ဗိုလ်ချုပ်ကိုယ်တိုင် စံနမူနာပြတည်ဆောက်ခဲ့တဲ့ ဗိုလ်ချုပ်ဘ၀ကို ထဲထဲဝင်ဝင်သိနေလို့ပဲ။
ဒါကြောင့် ပြည်သူလူထုက ဗိုလ်ချုပ်ကို ယုံကြည်တယ်။ ဒါကြောင့် ပြည်သူလူထုက
ဗိုလ်ချုပ်ကို ပြန်တောင့်တကြတယ်။ သတိရကြ တယ်။ ဖြစ်နိုင်ရင် ပြန်လိုချင်ကြတယ်။
အဲဒီအတွက် ကျွန်တော် ကဗျာတစ်ပုဒ် ရေးဖြစ်ခဲ့ပါတယ်။ ကဗျာခေါင်းစဉ်က ` ငါတို့
ဗိုလ်ချုပ်ကို ပြန်ပေး´။
ငါတို့ ဗိုလ်ချုပ်ကို ပြန်ပေး
ငါတို့ ဗိုလ်ချုပ်ကို ပြန်ပေး
အော်သံဟာ လူထုတစ်ရပ်လုံးဆီက ထွက်လာတယ်။
ဗိုလ်ချုပ်ကို
ကျွန်တော်တို့ ဘယ်ကြောင့်မို့ ချစ်ကြတာလဲ။ ဘယ်လိုတွေကြောင့် ချစ်ကြတာလဲ။
ဗိုလ်ချုပ်ဟာ စကားပြောတာ ပြတ်တယ်။ သူပြောတဲ့စကားဟာ အမှန်တရားဖြစ်တယ်။ မတရားတာကို
ငယ်ငယ်ကတည်းက မကြိုက် ဘူး။ ကလေးဖြစ်ပေမယ့် ငယ်စဉ်က မဟုတ်မမှန်စကားမပြောတဲ့အပြင်
အခြားသူတွေ လိမ်ညာပြောဆို တာကိုတောင် မကြိုက်တဲ့အကြောင်း၊ ပြောရင်
ပြောတဲ့အတိုင်းလုပ်တယ်၊ ကတိပေးထားရင် ပေးတဲ့ ကတိကို တည်အောင် ကြိုးစားတယ်။
ကိုယ်တိုင်မကြုံဖူးခဲ့ရပေမယ့် ကျွန်တော်တို့ ဖတ်မှတ်ခဲ့ရဖူးတယ်။
ဗိုလ်ချုပ်ပြောခဲ့တဲ့စကား၊ ဗိုလ်ချုပ်ဟောခဲ့တဲ့ မိန့်ခွန်းတွေ၊
ဗိုလ်ချုပ်ဖြတ်သန်းခဲ့တဲ့ ဘ၀ဟာ ကျွန်တော်တို့အတွက်
ခိုင်လုံတဲ့သက်သေအထောက်အထားတွေပါပဲ။
အခုလက်ရှိ အာဏာရအစိုးရလက်ထက်မှာ ကိုယ်ပြောထားတဲ့စကား ကိုယ်ပေးထားတဲ့ ကတိ
တည်သူ၊ မတရားဘူးထင်ရင် ချက်ချင်း ဖြေရှင်းပေးနိုင်သူ ဘယ်နှဦးများရှိနေပါသလဲ။
အမျိုးဘာသာသာသာနာတွင်တွင် ပြောပြီး တိုင်းတပါးသားကို နိုင်ငံသား အမည်ခံပေးပြီး
မဲဝေစုများအောင် လုပ်ခဲ့တဲ့သူတွေ၊ ကျေးဇူးရှင် ကျေးဇူးရှင်နဲ့ ကိုယ့်ရေမြေ
တောတောင်သဘာဝ သယံ ဇာတကို ရောင်းစား၊ ကိုယ့်လူမျိုးကိုယ် ကျွန်စနစ်သွတ်သွင်းနေတာ
ဘယ်သူတွေလဲ။ ဆင်းရဲမွဲတေမှုပပျောက်ရေးဆိုပြီး အောက်ခြေလူတန်းစားတွေရဲ့ တဲအိမ်တွေကို
ဘူဒိုဇာနဲ့ ထိုးဖျက်တာ ဘယ်သူတွေလဲ။ တောင်သူလယ်သမားတွေရဲ့
အခွင့်အရေးအပြည့်အ၀ရစေရမယ် ဆိုပြီး အဲဒီတောင်သူလယ်သမားတွေကိုပဲ တရားစွဲ၊
ထောင်ချလုပ်နေတာ ဘယ်သူ တွေလဲ။ ဒီရက်ပိုင်းအတွင်းက
ပဲခူးမြို့ဗိုလ်ချုပ်အောင်ဆန်းနှစ် ၁၀၀ ပြည့်ကြို လူထုဟောပြောပွဲမှာ
ဒေါ်အောင်ဆန်းစုကြည် ပြောသွားတဲ့စကားတစ်ခွန်း ရှိပါတယ်။
`တကယ့်ကို အဆင့်မြင့်တဲ့
အရည်အချင်းပြည့်ဝတဲ့ ပြည်သူလူထုသာလျှင် သာယာဝပြော ညီညွတ်တိုးတက်တဲ့
နိုင်ငံတစ်ခုကို ထူထောင်နိုင်မှာဖြစ်ပါတယ်။ ကျွန်မတို့လည်း မထူထောင်ပေးနိုင်ပါဘူး။
အခြား ဘယ်နိုင်ငံရေးအဖွဲ့မှလည်း ထူထောင်မပေးနိုင်ဘူး။ ကျွန်တော်တို့ ကျွန်မတို့ဟာ
ဒီနိုင်ငံသာယာဝပြောအောင် လုပ်ပေးပါမယ်လို့ ကတိပေးတဲ့ ပုဂ္ဂိုလ်တွေ အဖွဲ့တွေကို
သတိထားကြပါလို့ ကျွန်မပြောချင်ပါတယ်။´
အမှန်ပါပဲ။
ကျွန်တော်တို့တိုင်းပြည်အတွက် ကျွန်တော်တို့ပြည်သူလူထုအားလုံးမှာ တာဝန်ရှိပါတယ်။
ဒါကြောင့် ပြည်သူလူထုတရပ်လုံး ဒါကြောင့် ပြည်သူက ဆုံးဖြတ်နိုင်ခွင့်ရှိတဲ့
အချုပ်အခြာအာဏာနဲ့ တရားမျှတလွတ်လပ်ခြင်းကို ရရှိဖို့ အရေးအကြီးအဆုံးပါပဲ။
`အစ်မရာ ရှိမှ ပေးနိုင်မှာပေါ့´
`အစ်မ ခင်ဗျား မဟုတ်တာတွေ ပြောတော့မယ်။
ဒီ စပါး ၅၀ ဈေးနဲ့ဝယ်ထားတာ ကျုပ်သိတယ်
ဟုတ်တာပြောမှ ဥစ္စာပေါတယ်။ လိမ်တာ မကောင်းဘူး´
ငါတို့ ဗိုလ်ချုပ်ကို ပြန်ပေး။
ဗိုလ်ချုပ်ဟာ
မြန်မာ၊အင်္ဂလိပ်နှစ်ဘာသာစလုံးနဲ့ အရေးရော အပြောပါ ကျွမ်းကျင်သူတစ်ဦးဖြစ်တဲ့ အပြင်
စာဖတ် အလွန် ၀ါသနာပါသူတစ်ဦးလည်း ဖြစ်ပါတယ်။ ဒါ့အ့ပြင် ဗိုလ်ချုပ်တို့
လုပ်ကြံမခံရမီ ငါးရက်အလို ၁၉၄၇ ခုနှစ်၊ ဇူလိုင်လ၊ ၁၄ ရက်နေ့ တနင်္လာနေ့မှာ
ဒီးဒုတ်ဦးဘချို၊ ဦးခင်ဇော်၊ ဦးသိန်းဟန်(ဆရာဇော်ဂျီ)၊ ဦးထင်ဖတ်(မောင်ထင်) နဲ့
ဦးဝန်( ဆရာမင်းသုဝဏ်) တို့နဲ့ စကားပြောဖြစ်ကြတယ်။ အဲဒီစကားဝိုင်းမှာ
ဒီးဒုတ်ဦးဘချိုက `လွတ်လပ်ရေးရရင် နိုင်ငံရေးက ထွက်ပြီး ပညာရေးနဲ့ ယဉ်ကျေးမှုတွေ
လေ့လာမယ်၊(ဦးထင်ဖတ်တို့ကို လက်ညှိုးထိုးပြီး ) သူတို့တတွေနဲ့ အာရှ အရှေ့
တောင်ပိုင်းမှာ လှည့်ပြီး ယဉ်ကျေးမှုလေ့လာချင်ပါတယ် ´လို့ ပြောတော့
ဘန်ကောက်လုံချည်နံ့သာရောင်နဲ့ ပိုးအင်္ကျီ ရင်စေ့ဝတ်ထားတဲ့
ဗိုလ်ချုပ်အောင်ဆန်းကလည်း ` ကျွန်တော်လည်း နိုင်ငံရေးက ထွက်မှာပါပဲ ဆရာ။
ထွက်ပြီးတော့ စာရေးမယ် ကြံတယ်´ လို့ ပြောဖူးပါတယ်။ ဆရာ သိန်းဖေမြင့်ကလည်း `
သခင်အောင်ဆန်းသည် စာပေအရေးအသား ၀ါသနာပါသော်လည်း စာတစ်အုပ်ဖြစ်မြောက်အောင်
ရေးသားရန် အချိန်မရခဲ့သဖြင့် သခင်အောင်ဆန်းရေးခဲ့သော စာအုပ်ဟူ၍
ပြစရာမရှိဖြစ်ခဲ့ရသည်´လို့ ဘုံဝါဒနဲ့ တို့ဗမာ စာအုပ်မှာ
ဝမ်းနည်းစကားထည့်ရေးထားပါတယ်။ ဒါဟာ ကျွန်တော်တို့ လူငယ်တွေအတွက် အကြီးမားဆုံး
ဆုံးရှုံးမှုတစ်ခုလို့ ဆိုရမှာပါပဲ။ ဘာဖြစ်လို့လဲဆိုတော့ ဗိုလ်ချုပ်ရဲ့ နိုင်ငံရေး
အသိအမြင်၊ နိုင်ငံရေုးယုံကြည်ချက်၊ ပညာရေးအပေါ်သဘောထား၊ နောက်ပြီး
ဗိုလ်ချုပ်တောင့်တခဲ့တဲ့ အတ္ထုပတ္တိစာပေ၊ ဘာသာပြန်စာပေ၊ အာရှတိုက်သားတွေ
တစ်ဦးနဲ့တစ်ဦး ကူးလူးဆက်သွယ်ဆင့်ပွားခဲ့တဲ့ အနုပညာတွေ၊ ယဉ်ကျေးမှုနဲ့ ပတ်သက်တဲ့
ဗမာအက၊ ဗမာ့ဂီတစာပေလက်ရာတွေ၊ သတင်းစာဆောင်းပါး ခေါင်းကြီးအရေးအသား စတာတွေဟာ
ကျွန်တော်တို့မျိုးဆက်တွေ အခုအချိန်မှာ လေ့လာမှတ်သားအတုယူရမယ့်
စာပေလက်ရာကောင်းတွေအဖြစ် ကျန်ရှိနေမှာ ဖြစ်ပါတယ်။ နယူးဘားမား သတင်းစာတိုက်မှာ
ဗိုလ်ချုပ်အောင်ဆန်းနဲ့ သတင်းအယ်ဒီတာ အတူတူလုပ်ခဲ့ဖူးသူ သတင်း ထောက်
ဦးအုန်းဖေကလည်း `ဗိုလ်ချုပ်အောင်ဆန်းသည် အင်္ဂလိပ်ဘာသာစကားဖြင့် ဆောင်းပါးရေးရာ၌
ဖြစ်စေ၊ ဒဂုန် မဂ္ဂဇင်း၊ အိုးဝေ မဂ္ဂဇင်း စသည်တို့တွင် ဆောင်းပါးရေးရာ၌ ဖြစ်စေ
အလိုအပိုမရှိအောင် ရေးနိုင်စွမ်းရှိခဲ့လေ၏။ ဟိုခေတ် အခါက နယူးဘားမားသတင်းစာတွင်
စာရေးသူ ခေတ္တ သတင်းစာအယ်ဒီတာ လုပ်နေစဉ် ဗိုလ်ချုပ်အောင်ဆန်းသည်
ခေတ္တတွဲဖက်အယ်ဒီတာအဖြစ် ဆောင်ရွက်ခဲ့ပေ၏။ ထိုအခါ ဗိုလ်ချုပ်အောင်ဆန်းရေးခဲ့သော
ခေါင်းကြီးပိုင်းများမှာ အင်္ဂလိပ်ဘာသာ စာကောင်းပေမွန်များ၊ အဆင့်အတန်းမီခဲ့ရုံသာမက
အကြောင်းအကျိုး သရုပ်ပြညီညွတ်ကြသဖြင့် အစိုးရ ပိုင်းကရော၊
နိုင်ငံရေးခေါင်းဆောင်ပိုင်းကပါ လေးစားစွာ ဖတ်ရှုခဲ့ရလေ၏´ လို့
ရေးသားခဲ့ဖူးပါတယ်။ `ကျွန်တော်လည်း အနုပညာသမားပါဗျာ´ လို့ ပြောခဲ့ပြီး
စာရေးဆရာတစ်ယောက်ဖြစ်ချင်ခဲ့သူ၊ `ပဲခူးကဝေ´၊ `အညာသားလေး´၊ `သခင် အောင်ဆန်း´၊
`ဗိုလ်ချုပ်အောင်ဆန်း´ စတဲ့ ကလောင်နာမည်များနဲ့ စာပေလက်ရာများဖန်တီးသွားခဲ့သူ
ဗိုလ်ချုပ်သာ စောစောစီးစီးလုပ်ကြံမခံရရင်ဆိုတဲ့ အတွေးက ကျွန်တော်တို့ရဲ့
ဆုံးရှုံးမှုကို ပိုပြီး မီးထိုးနေသလို ခံစားပါတယ်။
`လွတ်လပ်ရေး ရပြီးရင် ငါတော့ နိုင်ငံရေးက ထွက်ပြီး စာရေးမယ်´
`အစိုးရထဲ ၀င်ပြီး ရာထူးယူရတာ ငါတော့ မပျော်ပါဘူးကွာ´
ငါတို့ ဗိုလ်ချုပ်ကို ပြန်ပေး။
ဗိုလ်ချုပ်၏
စာပေလက်ရာများ ဆက်လက်ဖတ်ရှုခွင့် ဆုံးရှုံးခဲ့ရသော်လည်း တိုင်းပြည်လွတ်လပ်ရေး၊
တိုင်းပြည် တည်ဆောက်ရေး၊ တိုင်းပြည်ညီညွတ်ရေးအတွက် ဟောပြောခဲ့တဲ့ မိန့်ခွန်းတွေ ကျန်ရှိနေခဲ့တာ
ကျွန်တော်တို့အတွက် ဖြေသိမ့်စရာတစ်ခုအဖြစ်သာမက ခေတ်အဆက်ဆက်
နှိုင်းချင့်ချိန်ထိုးစရာ၊ မှတ်သားနာယူစရာ စသည်ဖြင့် အဆိုပါ မိန့်ခွန်းများက
စံနမူနာပြုစရာကောင်းအောင် ကျန်ရှိနေခဲ့တဲ့အတွက် ကျေနပ်စရာကောင်းလွန်းလှပါတယ်။
ကျွန်တော်တို့ ငယ်စဉ်တုန်းက လွတ်လပ်ရေးနေ့၊ အာဇာနည်နေ့များရောက်ပြီဆိုရင်
ဗိုလ်ချုပ်မိန့်ခွန်တွေက ရေဒီယိုက လွှင့်ပေးခဲ့ဖူး ပါတယ်။ အဲဒီအချိန်ဆိုရင်
အဖိုး၊အဖွား၊ မိဘတွေက ရေဒီလေးဖွင့်ပေးပြီး ကျွန်တော်တို့ကို နားထောင်စေပါတယ်။ ကလေး
အရွယ်ဆိုတော့ မိန့်ခွန်းရဲ့သဘောတရားတွေကို ကောင်းကောင်းနားမလည်ခဲ့ပေမယ့်
ဗိုလ်ချုပ်အသံက ဗိုလ်ချုပ်ဟန်ပန်ကို မျက်စိထဲမြင်ယောင်မိစေသည်အထိ
ကျွန်တော်တို့ကို လွှမ်းမိုးထားပြီး မျိုးချစ်စိတ်၊ ဇာတိမာန်တက်ကြွ ထက်သန်လာစေ
ခဲ့ပါတယ်။ တနည်းပြောရရင် ဗိုလ်ချုပ်ဟာ ဘာလဲ ဆိုတာ ဗိုလ်ချုပ်မိန့်ခွန်းတွေက
အကောင်းဆုံးသက်သေပါပဲ။ ဗိုလ်ချုပ် မိန့်ခွန်းတွေဟာ ဒီကနေ့
လက်ရှိရင်ဆိုင်ကြုံတွေ့နေရတဲ့ နိုင်ငံရေးအခင်းအကျင်းတွေကို ကြိုမြင်ပြီး
တစ်ခွန်းချင်းဟာ အဓိပ္ပာယ်ပြည့်ဝ၊ အနှစ်သာရရှိရှိ ပြောခဲ့လေသလားလို့တောင်
ထင်မိပါတယ်။ ဗိုလ်ချုပ်မိန့်ခွန်းတွေ၊ ဟောပြောမှုတွေ တစ်ခုဖတ်ပြီးတိုင်း ကျွန်တော်
တစ်ခါ အော်ဟစ်မိတယ်။ `ငါတို့ ဗိုလ်ချုပ်ကို ပြန်ပေး´။
`စားဖားတွေ ညီညွတ်တာကို ကျွန်တော် မလိုချင်ဘူး
တိုင်းရင်းသား အချင်းချင်းညီညွတ်ရေး၊ ပြည်သူလူထုညီညွတ်ရေး
ဒီနှစ်ခု မရှိသမျှကာလပတ်လုံး
ဘယ်ပါတီ ဘယ်အစိုးရလုပ်လုပ် ဖာသည်တိုင်းပြည်ဖြစ်နေမှာပဲ´
ငါတို့ ဗိုလ်ချုပ်ကို ပြန်ပေး။
`အခု ဒီမိုကရေစီတွေဟာ အရင်းရှင်တွေ ၊ စီးပွားရေးခြယ်လှယ်တဲ့
စနစ်အခြေခံတဲ့
တနည်းအားဖြင့် အရင်းရှင်တွေရဲ့ အာဏာရှင်စနစ်အုပ်ချုပ်ရေး၊
ဒီမိုကရေစီဆိုတဲ ဗန်းပြပြီး ထားတဲ့ အုပ်ချုပ်ရေးပဲ´
ငါတို့ ဗိုလ်ချုပ်ကို ပြန်ပေး။
`တိုင်းသူပြည်သားတွေနဲ့ ကင်းကွာပြီး
မင်းစိတ်ပေါက်တဲ့ အရာရှိတွေ ခြယ်လှယ်တဲ့ စန်စဆိုးတစ်မျိုးရှိနေရင်
အများပြည်သူဆန္ဒနဲ့လုပ်ကိုင်ရတဲ့ ဒီမိုကရေစီဝါဒ ခေတ်မစားနိုင်ဘဲ
ဖက်ဆစ်ဝါဒဆင်တူရိုးမှားတွေ ပေါ်လာမယ်။
ဒါဆိုရင် တိုင်းသူပြည်သားတွေဟာ လွတ်လပ်ရေးဆိုတာ မရနိုင်တော့ဘူး။´
ငါတို့ ဗိုလ်ချုပ်ကို ပြန်ပေး။
`လယ်သမားတို့လက်မှာ လယ်ယာမြေမရှိ၊
နိုင်ငံခြားသား ချစ်တီးများနဲ့
ဓနရှင်တို့လက်ထဲ
လယ်မြေ ယာမြေတွေ ရောက်နေသည်။
ထိုဘေးမှ ကာကွယ်ရန် လိုအပ်သည်။
ယခုအုပ်ချုပ်ရေးအရ
ပြည်သူတို့ တင်မြှောက်သော အမတ်တို့က
မြေသိမ်းဥပေဒေ လုပ်နိုင်သည်´
ငါတို့ ဗိုလ်ချုပ်ကို ပြန်ပေး။
`ကျွန်တော်တို့ အစိုးရဟာ တိုင်းပြည်လူထုက ထောက်ခံလို့
ဖြစ်လာတဲ့ အစိုးရဖြစ်တယ်
တိုင်းပြည်လူထုက မကြည်ညိုဘူးလို့ သိလာတဲ့ တစ်နေ့မှာ
တွယ်ကပ်မနေဘူး၊ ထွက်ပေးမယ်´
ငါတို့ ဗိုလ်ချုပ်ကို ပြန်ပေး။
ဗိုလ်ချုပ်မှာ
လေးစားအားကျဖွယ်၊ အတုယူဖွယ်၊ စံနမူနာပြုဖွယ် ဂုဏ်ရည်တွေ အများကြီး ရှိပါတယ်။
အဲဒီအထဲကမှ ကျွန်တော့်ရင်ကို အလှုပ်ခတ်ဆုံး၊ ကျွန်တော်တို့ တိုင်းပြည်တပြည်လုံးကို
အလှုပ်ခတ်ဆုံးပေးစာလေးတစ်စောင်လည်း အပါအ၀င်ဖြစ်ပါတယ်။ လူတိုင်းလည်း သိကြပါတယ်။ `
ကြည် ပဲပြုတ်နဲ့ နံပြားရရင် စားချင်တယ်´ တဲ့။ တိုင်းပြည် တစ်ပြည်လုံးအတွက်
အလုပ်တာဝန်ဝတ္တရားတွေနဲ့ မအားလပ်နိုင်ရှာလို့ ဇနီးဖြစ်သူ ဒေါ်ခင်ကြည့်ထံ
အမှာပါးလိုက်တဲ့ ပေးစာလေးတစ်စောင်။ ဒီ စာသားလေးတွေထဲမှာ အထူးခြားဆုံး၊
အလေးနက်ဆုံးသော စာလေး နှစ်လုံးက `ရ ရင် ´ ဆိုတာ လေးပါပဲ။
တိုင်းပြည်ခေါင်းဆောင်ကြီးတစ်ယောက်က သူ့အနီးအနားက ရဲဘော်တွေကို အမိန့်အာဏာနဲ့
မစေခိုင်း၊ သူ့ဇနီးကို လည်း အတင်းအကျပ်ခိုင်းစေ၊ `ရရင်´ တဲ့။ မရရင်လည်း
နေပါစေပေါ့။ ပြီးတော့ တောင်းဆိုတာကလည်း ပဲပြုတ်နဲ့ နံပြား။ ဆရာ မင်းလူကတော့
ဒီပေးစာလေးကို ကမ္ဘာပေါ်မှာ အတိုဆုံး၊ အရိုးသားဆုံး၊ အနုပညာအပြည့်ဝဆုံး၊
ရသအမြောက်ဆုံး ၀တ္ထုလေးတစ်ပုဒ်လို့ ခံစားမိပါတယ် တဲ့။ ကျွန်တော်တို့အတွက်လည်း ဒါဟာ
အတိုဆုံးရုပ်ရှင်တစ်ကား၊ အတိုဆုံး ကဗျာတစ်ပုဒ်၊ အတိုဆုံးအနုပညာလက်ရာတစ်ခုအဖြစ်
ခံစားမိရပါတယ်။ ဒါဟာ ဗိုလ်ချုပ်အောင်ဆန်းပါပဲ။ သူ့ရဲဘော်လေး တစ်ယောက်
ဈေးခြင်းတောင်းဆွဲသွားတာ မြင်လို့ ဒေါ်ခင်ကြည်ကို ဆုံးမပြောဆိုခဲ့တဲ့သူ။
အကြော်ရောင်းနေတဲ့ လူကြီး တစ်ယောက်အနွေးထည်မ၀တ်နိုင်ဘဲ ချမ်းနေတာမြင်လို့ သူ့အင်္ကျ
ီချွတ်ပေးခဲ့တဲ့သူ။ ရုပ်ရှင်ရုံကို အများနည်းတူ ငါးမူးတန်း က ၀င်ကြည့်ခဲ့တဲ့သူ။
ထမင်းစားရာမှာ ပိုက်ဆံမပါလို့ အရိုက်ခံဖို့ ပါးထိုးအပ်ခဲ့သူ။ သူဟာ
ဗိုလ်ချုပ်အောင်ဆန်း ဖြစ်တယ်။
`ကြည် ပဲပြုတ်နဲ့ နံပြား ရရင် စားချင်တယ်´
ငါတို့ ဗိုလ်ချုပ်ကို ပြန်ပေး။
`ငါ့ပြည်သူတွေ ချမ်းနေတာ၊
အနွေးထည် မ၀တ်နိုင်တာ ငါ့မှာ တာဝန်ရှိတယ်´
ငါတို့ ဗိုလ်ချုပ်ကို ပြန်ပေး။
`တစ်နှစ်အတွင်း
လွတ်လပ်ရေး ရကို ရရမယ်´ လို့ ကြွေးကြော်ပြီး လွတ်လပ်ရေးအတွက် ကြိုးပမ်းခဲ့သူ
ဗိုလ်ချုပ် အောင်ဆန်းဟာ မသမာသူ နယ်ချဲ့လက်ပါးစေ အာဏာရူးတစ်ချို့ကြောင့် ၁၉၄၇
ဇူလိုင်လ ၁၉ ရက်နေ့၊ အတွင်းများရုံးမှာ အစည်းအဝေးပြုလုပ်နေတုန်း
လုပ်ကြံခံလိုက်ရပါတယ်။ ကျွန်တော်တို့ တစ်တိုင်းတပြည်လုံးမျက်ရည်မစဲနိုင်အောင်
ဇူလိုင်မိုးနဲ့အပြိုင် မျက်ရည်ဖြိုင်ဖြိုင်ရွာကျခဲ့ရပါတယ်။ အဲဒီလို အဖြစ်ဆိုးကို
နှစ်ကြိမ်တိုင်တိုင် ကြုံခဲ့ရတဲ့ မျိုးချစ်စာဆိုတော် ဆရာကြီးသခင်ကိုယ်တော်မှိုင်းက
လေးချိုးကြီးတစ်ပုဒ်နဲ့လည်း စပ်ဆိုဂုဏ်ပြုခဲ့ပါတယ်။ ပထမအကြိမ် ဆယ်နှစ်သားအရွယ်
မန္တလေးမြတောင်ကျောင်းသားဘ၀ကို သီပေါမင်းနဲ့ မိဖုရား အရှင်နှစ်ပါး ပါတော်မူတုန်းက
`နေ လ နှစ်ဆောင် ပါတော်မူတဲ့အခိုက်ကိုဖြင့်၊ ကတိုက်ကရိုက်အမြန်မြင်လိုက်တော့၊
မခံချင် မာန်ဝင်တဲ့ အစွမ်းရယ်နှင့်´ ဆိုပြီး တစ်ခါ၊ ဗိုလ်ချုပ် အောင်ဆန်းနဲ့
အာဇာနည်ပုဂ္ဂိုလ်ကြီးများ လုပ်ကြံခံလိုက်ရတော့ `သြော် အဆောင်ဆောင် နန်းတွေ
ကြငှန်းတွေနှင့်နှော၊ အခေါင်မမြန်းခင်က အောင်စတမ်းချို့စေဖို့၊
အောင်ပန်းညှို့ရရှာတဲ့ ၊ တောင်တမန်း တို့ဗမာမှာ၊ အဟောင်းသံသရာ အငုတ်တွေနှင့်
အောင်ဆန်းတို့ မသာမယာဟာ ၄င်းကံကြမ္မာအလုပ်ပေမထင့်၊ သောင်းမြန် မရဏာစမုတ်မှာတော့၊
ချုပ်သနှင့် ယင်းအလိုတွင် (အိုကွယ်) ဒေါင်းအလံ ပ၀ါအုပ်ပါလို့၊ ကျုပ်ဖြင့်
သဂြိုဟ်ချင်´ မဟာလေးချိုးကြီးတစ်ပုဒ် စပ်ဆိုခဲ့ ပါတယ်။
`သြော် တောင်နန်းမြောက်နန်း အဆောင်ဆောင်ကြငှန်းနဲ့
အခေါင်မမြန်းရခင်က
အောင်ပန်းညှိုးရရှာတဲ့ အောင်ဆန်းတို့ သေပုံ နှမြော´
ငါတို့ ဗိုလ်ချုပ်ကို ပြန်ပေး။
၁၉၁၅
ဖေဖော်ဝါရီ ၁၃ ရက် ( ၁၂၇၆ ခု၊ တပေါင်း လဆန်း ၁ ရက်၊ စနေနေ့) မနက်၊
နေတက်ရေတက်ချိန်မှာ မွေးဖွားခဲ့တဲ့ ဗိုလ်ချုပ်အောင်ဆန်း။ ဇာတာအမည် ထိန်လင်းလို့
အမည် သညာသတ်မှတ်ခဲ့ပေမယ့် အစ်ကို အောင်သန်း နာမည်ရှိနေတော့ လိုက်ဖက်အောင်ဆိုပြီး
ညီဖြစ်သူ ထိန်လင်းက အောင်ဆန်း ဖြစ်ခဲ့ရတယ်။ တကယ်တမ်းကျတော့
ဗိုလ်ချုပ်မွေးရက်ဖြစ်တဲ့ ၁၃ ဂဏန်းဆိုတာ တစ်ကမ္ဘာလုံးက ကံမကောင်းတဲ့ ဂဏန်းလို့
သတ်မှတ်ခံထားရတဲ့ ဂဏန်းပါ။ ဒါကြောင့်လည်း ဗိုလ်ချုပ်က ဒီ ၁၃ ဂဏန်းအပေါ်မှာ
စိတ်ဝင်စားမှု ရှိခဲ့တဲ့အပြင် သူ့ရဲ့ အင်္ဂလိပ်စာနဲ့ ကိုယ်တိုင်ရေး အတ္ထုပတ္တိထဲမှာလည်း
ထည့်သွင်းရေးသားခဲ့ပါတယ်။
`လူတိုင်းလိုလိုပင် ဂဏန်း ၁၃
ကို အထူးတလည် ကြောက်ရွံ့ကြလေသည်။ အမှန်စင်စစ်ကိုသာ သိကြလျှင်မူ သူတို့ ထင်သလောက်
နိမိတ်မကောင်းသည့် ဂဏန်းမဟုတ်ချေ။ ဂဏန်း ၁၃ နှင့် သက်ဆိုင်သော အရုပ်ကားကို
အမျိုးမျိုး အဖုံဖုံရေးကြ၊ ဆွဲကြသော်လည်း အမြဲတစေ သဘောထားတစ်ခုတည်းပင်
ဆောင်လေသည်း။ ထိုပုံသည် လယ်ထဲ၌ အရိုးစုတစ်ခုသည် ကောက်ရိတ်လျက် ၄င်း၏
လက်နှင့်ခြေများသည် အသစ်ပေါက်သော မြက်တောထဲမှ ထိုးထောင်နေ၏။ သရဖူဆောင်းထားသည့်
ယောက်ျားဦးခေါင်းတစ်လုံးမှာ တံစဉ်ဖျား၌ ကျလျက် မိန်းမဦးခေါင်းတစ်လုံးသည်
ဆံပင်ကို ခေါင်းအလယ်တည့်တည့်တွင် ခွဲကာ ဖားလျားချပြီး နောက်ပိုင်းနားတွင်
ပေါ်ထွက်နေသည်။ ဤမျှ ထူးဆန်းထွေလာ နိမိတ်ပြအဓိပ္ပာယ်နက်နဲလှသော အရုပ်ကား၏
အမှန်သဘောကို လှန်လှော၍ သိရှိနားလည်စေရန် ဂဏန်း ၁၃ မှ ၁ နှင့် ၃ နှစ်ခုပေါင်းရသော
၎ ဂဏန်းတစ်ခုတည်း၏ အဓိပ္ပာယ်ကို ပြန်ပြောင်းစီစစ်ရပေမည်။ ၄ ဂဏန်းတစ်လုံးတည်းသည် သူ
ကိုယ်တိုင်ကပင် ထူးဆန်းသော ဂဏန်းတစ်လုံးဖြစ်သည်။ ဤ ဂဏန်းစီးနင်းခံရသူ လူများသည်
အထင်လွဲ၊ အမြင်လွဲ ခံရတတ်၏။ အဖော်မပါ တစ်ကိုယ်တည်းသာ နေရတတ်၏။ မိမိတို့အား အမြဲတစေ
တိတ်တဆိတ်ကျိတ်၍ ကြံစည်သော ရန်သူများနှင့်
အတိုက်အခံပြုရတတ်၏။ ရပ်ရွာကိစ္စ၊ အစိုးရကိစ္စတို့တွင် ထုံးတမ်းစဉ်လာကို ဖျက်၍
ခေတ်ပြောင်း တော်လှန် တတ်ကြသည်။ ၄ ဂဏန်း စီးနင်းထားသူတို့သည် အမျိုးစုံသော
လူမှုပြဿနာများ၊ ခေတ်ပြောင်းပြုပြင်ရေးကိစ္စများကို ဆောင်ကြဉ်းရန် ၀ါသနာပါကြသည်။
သူတို့သည် အထက်အာဏာပိုင်များကို ပုန်ကန်ခြားနား၍ သမ္မတနိုင်ငံသစ်များကို လည်းကောင်း၊
ထီးသစ် နန်းသစ်မျာကိုလည်းကောင်း တည်ထောင်စိုက်ထူတတ်ကြလေသည်။ ၁၃ ဂဏန်းသည်
ဤအထက်တန်းကျသော ဂုဏ်ပုဒ်တို့နှင့် အားလုံး ပြည့်စုံသည်သာမက ပို၍ပင် နက်နဲ
ထက်မြက်သေး၏။´
ဘရင်းဂန်းအလက် ၂၀၀ အခိုးခံလိုက်ရပြီးတဲ့နောက်
၁၉၄၇ ဇူလိုင်လ ၁၉ ရက် မနက် ၁၀ နာရီ ၃၇ မိနစ်
၁၃ ဂဏန်းနဲ့ စပြီး ၁၃ ဂဏန်းနဲ့ ဆုံးတယ်
ဒါပေမယ့် ဘယ်တော့မှ သမိုင်းမဆုံးဘူး
တစ်ထောင့်ကိုးရာ တစ်ဆယ့်ငါး
ဖေဖော်ဝါရီမနက်ခင်းရဲ့ အရုဏ်ဦးနေမင်းဟာ
ကမ္ဘာတည့်သေရွေ့ စူးရှတောက်ပလို့
ငါတို့အပေါ်မှာ လင်းစေတယ်
ထပ်ပြောမယ်
ငါတို့ ဗိုလ်ချုပ်ကို ပြန်ပေး။
ငါတို့ ဗိုလ်ချုပ်ကို ပြန်ပေး။
ငါတို့ ဗိုလ်ချုပ်ကို ပြန်ပေး။
၁၃
ဂဏန်းဟာ တကယ့်ကိုပဲ ဗိုလ်ချုပ်အပေါ်မှာ တိုက်ဆိုင်စွာ လွှမ်းမိုးမှုရှိခဲ့ပါတယ်။
ဖေဖော်ဝါရီ ၁၃ ရက်နေ့မှာ မွေးဖွားခဲ့ပြီး ဇူလိုင် ၁၉ မှာ ကျည်ဆံ ၁၃ ချက်
စိုက်ဝင်ပြီး အသက်ဆုံးခဲ့ရပါတယ်။ ဘယ်လိုပဲ ဖြစ်ပါစေ။ ဗိုလ်ချုပ်ဟာ တစ်ခါသေပြီးတာတောင်
ထပ်ခါ ထပ်ခါ အသတ်ခံခဲ့ရပေမယ့် အထပ်ထပ် ပြန်ရှင်ခဲ့ပါတယ်။ ခေတ်သမိုင်းအဆက်ဆက်
ဗိုလ်ချုပ်တွေ အများကြီး ရှိခဲ့ပေမယ့် ကျွန်တော့်ရင်ထဲမှာတော့ ဗိုလ်ချုပ်ဟာ
တစ်ယောက်တည်းပဲ ရှိပါတယ်။ ဘယ်သူတွေ ဘယ်လိုပဲ သတ်သတ် နောက်လည်း ရှင်သန်နေ
ဦးမှာပါပဲ။ ဗိုလ်ချုပ်ဟာ ကျွန်တော်တို့ မြန်မာနိုင်ငံအတွက် ကမ္ဘာတည် သရွေ့
စူးရှတောက်ပနေမယ့် အရုဏ်ဦး နေမင်းပါ။ ထာဝရ လင်းနေပါလိမ့်မယ်။
မင်းနဒီခ
၅၊ ဇန်န၀ါရီ၊ ၂၀၁၅
No comments:
Post a Comment