ဖေဖော်ဝါရီ ၁၄
ကောင်းကင်
ချစ်သူရေ
သံသယတိမ်တိုက်တွေကို
နားလည်မှုနဲ့ ဖယ်ရှား
ဝမ်းနည်းမိုးသားတွေကို
ဖြေသိမ့်ခြင်းလေပြေနဲ့ တွန်းထုတ်
လောကဓံတရားကို
ရဲရဲရင်ဆိုင်လက်တွဲထား
အပြာရောင်နောက်ခံချစ်ခြင်းတရားမှာ
ရိုးသားဖြူစင်တဲ့
တိမ်တိုက်တွေသာရှိပါစေ
ချစ်သူရေ
ချစ်ခြင်းတရားဟာ
အဆုံးမဲ့ကောင်းကင်
မြတ်နိုးမှုဟာ
ရေတွက်မကုန်နိုင်တဲ့ ကြယ်စင်များ
ကမ္ဘာတည်မဲ့
သစ္စာတရားဟာ
တို့နှစ်ယောက်ကြားမှာ
နေရောင်လို ထွန်းလင်းစေ
လရောင်လို
အေးမြစေ
ချစ်သူရေ
ဤမှန်သော
သစ္စာစကားနဲ့
ဆုတောင်းတိုင်းလည်း ပြည့်ပါရစေ
ကြယ်တွေကို
ကြိုးနဲ့သီ
ကောင်းကင်ကို
ဖြန့်ခင်း
ပျော်ရွှင်ခြင်းတေးတစ်ပုဒ်နဲ့
မင်းခြေတော်ရင်းမှာ
ခစား
ဘ၀ဆက်တိုင်း
မင်းအပါးတော်မြဲဖြစ်ပါရစေ
မင်းနဒီခ
No comments:
Post a Comment