ဘုရားသခင်တားမြစ်ထားတဲ့
သစ်သီးလေးတစ်လုံးခူးမိရုံနဲ့
ကြေကွဲစိတ်တွေ
ပင်လုံးညွတ်အိလာမယ်မှန်း
မတွေးဖြစ်ခဲ့ဘူး။
အခုတော့
မိုးပေါ်ပျံတတ်မဲ့
ပူဖောင်းလေးတစ်လုံးလို
ပြန်ကျလာမဲ့
အချိန်ကို တွေးရင်း
သူ့အစာအိမ်ထဲက
ဓါတ်ငွေ့ကို
အန်ထုတ်ရအခက်
မျိုချရအခက်။
မင်းပျော်ဖို့သက်သက်နဲ့
ရင်တစ်လုံးပေါက်ကွဲထွက်လာတဲ့
ပန်းရှူးမီးပန်းတွေပါ
ပိုက်ကွန်ထဲက
ငါးတစ်ကောင်အတွက်တော့
လေကောင်းလေသန့်ဆိုတာလဲ
အသက်ရှူကျပ်မှန်း
သိခဲ့ပြီ။
ဝမ်းနည်းစရာပါပဲ
မျှော်လင့်ခြင်းဆိုတဲ့
ကြမ်းပြင်မှာ
အသံမမြည်ဘဲ
ကျကွဲသွားတဲ့ ဖန်ခွက်လေးလို
ငါကမ္ဘာမှာ
ငါတစ်ယောက်တည်းသာ
အစိတ်စိတ်
အမွှာမွှာ ပြန့်ကျဲလို့။
မင်းနဒီခ
No comments:
Post a Comment