ဇာတ်သိမ်းခန်း
ဘယ်တော့မှ
မခွဲဘူးလို့ ဘယ်လိုပြောပြော
တစ်ယောက်တစ်လမ်းစီ
လာပြီး
တစ်ယောက်တစ်လမ်းစီ
ပြန်ခဲ့ရတာပါပဲ
အမှတ်တရဆိုလို့
သူ့ကျောပြင်ပေါ်ပါသွားတဲ့
ငါ့သက်ပြင်းလေးရယ်
ငါ့ရင်ဘတ်ထဲ
စွဲကျန်နေတဲ့ သူ့မျက်ရည်စလေးရယ်
အလိုမတူဘဲ
ကြွေကျခဲ့တဲ့ သစ်ရွက်လေးတစ်ရွက်နဲ့
အရောင်ဖျော့ကျသွားတဲ့
ဆည်းဆာပဲ ကျန်တယ်
တကယ်တမ်းကျတော့
တူစုံရပ်နေတဲ့
ခြေထောက်တွေ ကျောခိုင်းလို့
လမ်းခွဲရတာ
မဟုတ်ပါဘူး
အနမ်းတွေ
မျက်နှာချင်းဆိုင်ရင်း
လမ်းလွဲခဲ့ရတယ်။
မင်းနဒီခ
No comments:
Post a Comment