ဖေဖော်ဝါရီ
၁၄ သစ်ပင်
လောကဓံအထုအထောင်းကြားက
ချစ်ခြင်းတရားနဲ့ တိုးထွက်လာတဲ့
သစ်ပင်လေးပါ
ဘယ်ပန်းပွင့် ပွင့် မွှေးမြစေ
ဘယ်အသီး သီးသီး ချိုမြိန်စေ
အလွမ်းနဲ့ မျက်ရည်ဆိုတာ
ဖေဖော်ဝါရီ ၁၄ သစ်ပင်က ခြွေချထားတဲ့
သစ်ရွက်
မနီးစပ်ခြင်းဆိုတာ
ဖေဖော်ဝါရီ ၁၄ သစ်ပင်က
နမ်းရှိုက်ခွင့်မပြုတဲ့ လိပ်ပြာ
အမုန်းဆိုတာ
ဖေဖော်ဝါရီ ၁၄ သစ်ပင်ကို
မလှုပ်ခတ်စေနိုင်တဲ့ မုန်တိုင်း
ကဗျာတစ်ပုဒ်လို နှိုင်းရရင်
လရောင်က ညကို တယုတယထွေးပွေ့ထားသလိုမျိုး
လေပြည်က ပန်းပွင့်ကို ခပ်တိုးတိုးလေး
နမ်းရှိုက်လိုက်သလိုမျိုး
ရင် ချင်းဆက် အနမ်းနဲ့ တစ်ခန်းပြီး
တစ်ခန်းဆက်
ဖေဖော်ဝါရီ ၁၄ သစ်ပင်အောက်မှာ
ထာဝရအသက်ထက်
အ မှတ် ရ စေ။
မင်းနဒီခ
No comments:
Post a Comment