ဟယ်လို ဟယ်လို

ဟယ်လို ဟယ်လို

ဘာအကြောင်းပြချက်မှ မရှိဘဲ လွှတ်လိုက်တယ်။ ငါးကလေးနှစ်ကောင်
ငယ်ဘ၀ရဲ့ မင်နီအတားခံရသော လက်ရေးလက်သား
ရှင်းလင်းပြီးသားအရာများဖြစ်၍ ထပ်မံရှင်းလင်းရန် လို/မလို
နောက်ကျောမှ ပျံသန်းလာသော မြားတစ်စင်း။ တောင်ပံခတ်သံမကြားရ
ဒီနေရာမှာ ပိုနေသော စကားလုံးများကို ဖြုတ်ပစ်ရန် လို/ မလို
အဆုံးကနေပြန်စထားတဲ့ ၀တ္ထုတစ်ပုဒ်ကို အဆုံးထိပြီးအောင်ဖတ်ဖို့ လို/ မလို
ဟယ်လို ဟယ်လို မေမေ မေမေလား
အခါခါခေါ်နေပေမယ့် တစ်ဖက်မှ ပြန်ထူးသံမကြားရ
ပြတ်တောက်သွားသော ဆက်သွယ်မှုဧရိယာမှာ နေထိုင်သူဟာ
လွမ်းစိတ်ကို စက္ကူစွန်တစ်ချပ်နဲ့ ချည်နှောင်ပြီး တိကနဲ ဖြတ်ချလိုက်တယ်
ဆန်များများရအောင် မျက်စိများများလည်တတ်ခဲ့တဲ့ ဖိုးသူတော်တစ်ယောက်လို
မဂ္ဂဇင်းတိုက်တွေသာ တစ်တိုက်ပြီး တစ်တိုက်ပြောင်းသွား
ဒီကဗျာမှာ စကားပြေနဲ့ စကားပြော ရောထွေးနေတယ်
စိတ်မရှိပါနဲ့။ ပြန်ပို့လိုက်ပါတယ်
ဒီကဗျာမှာ ဘီပိုးတွေ့ရှိကြောင်း စစ်ဆေးတွေ့ရှိရတဲ့အတွက်
အရူးတစ်ယောက်ရဲ့ အိပ်မက်မှာ အိပ်မက်ဟာ မရူးသွပ်ကြောင်းသေချာပါရဲ့လား
ဒီမေးခွန်းကို ဖြေဖို့ လို/ မလို
ကိုယ့်ကိုယ် ကိုယ် ပြန်မေးကြည့်ဖို့ လို/ မလို
ခုတုံးလုပ်ထားတဲ့ ချစ်ခြင်းတရားနဲ့
နှုတ်ခမ်းသားတွေ စုတ်ပြတ်သွားအောင် တစ်ယောက်ကို တစ်ယောက် မီးညှိလိုက်ကြ
နွေးထွေးမှုကို ရဖို့အတွက်တော့
လက်တွေကို ပွတ်သပ်ဆုပ်နယ်ပေးလိုက်ကြရုံ
ဝတ်စားဆင်ယင်မှုအရ/ ခေတ်ရဲ့ တောင်းဆိုချက်အရ/ အစဉ်အလာဟောင်းကို ဖောက်ထွက်ရေးသားမှုအရ
ပြီးတော့ သင်္ချာပုစ္ဆာနည်းအရ
ပေးထားချက်လို/ မလို
အကြောင်းအရာ ဆန်းသစ်ဖို့ လို/ မလို
ဒီကဗျာကို နားလည်ဖို့ လို/ မလို
ဟယ်လို ဟယ်လို ဟယ်လို ဟယ်လို . . . .?။

မင်းနဒီခ