ပိုးပိုး
ချစ်ခြင်းတရား အသွေးအသားနဲ့ ဆက်စပ်ဖွဲ့တည်ထားတဲ့သမီးလေး
ကမ္ဘာမြေအတွက် အသစ်ရေးစပ်လိုက်တဲ့
ပျော်ရွှင်ခြင်းတေးတစ်ပုဒ်ဖြစ်သလို
မိသားစုကွက်လပ်ကို ကာရန်နဲ့ဖြည့်ဆည်းပေးလိုက်တဲ့
ကဗျာလေးတစ်ပုဒ်လည်းဖြစ်ရဲ့
သမီးလေးပိုးပိုးရေ
အဖေ့နဖူးက ကျလာမယ့် ချွေးတစ်စက်ဟာ
သမီးလေးရင်ကို အေးမြစေတဲ့ ကျောက်စက်ရေတစ်စက်ဖြစ်ပါစေ
အဖေ့ပခုံးပေါ်က ပွန်းပဲ့ ဒဏ်ရာတွေဟာ
သမီးလေးလျှောက်မယ့်လမ်းပေါ်က ပန်းပွင့်တစ်ရာဖြစ်ပါစေ
အဖေ့ရဲ့ ဖိစီးမွန်းကျပ် အိပ်ပျက်ညတွေဟာ
သမီးလေး အစားထိုးပြန်ရမယ့် အိပ်မက်လှလှနဲ့
ကြယ်စုံညများဖြစ်ပါစေ
သမီးလေးပိုင်ဆိုင်တဲ့ကမ္ဘာဟာ
သမီးလေးနမ်းလိုက်တိုင်းပွင့်လာမယ့် ပန်းတွေနဲ့
သမီးလေး ပြုံးလိုက်တိုင်း ကြည်လင်လာမယ့် ကောင်းကင်နဲ့
သမီးလေး လက်နဲ့ထိလိုက်တိုင်း ဖြစ်လာမယ့်
ကြည်နူးမှုတွေနဲ့
ကမ္ဘာမှာ ကျရောက်မယ့် ဘေးအန္တာရယ်တွေဟာ
သမီးလေးရှေ့မှောက်မှာ လေပြေလေညှင်းကလေးတွေဖြစ်လို့
ကမ္ဘာကိုခြိမ်းခြောက်နေတဲ့ နျူးကလိယားနဲ့ ဇီဝလက်နက်တွေဟာ
သမီးလေးဆော့ကစားတဲ့ အရုပ်လှလှကလေးတွေ ဖြစ်လို့
အရာရာဟာ သမီးလေးစိတ်ဆန္ဒရဲ့ အလိုတော်အတိုင်းပေါ့
သမီးလေးဟာ
မေတ္တာတရားနဲ့
အစာရေစာငတ်မွတ်ခေါင်းပါးနေသူတိုင်းအတွက်မာသာထရီဇာ
ကပ်ရောဂါအမျိုးမျိုးနဲ့ဒဏ်ရာအနာတရဖြစ်နေသူတိုင်းအတွက်
ဖလောရင့်နိုက်တင်ဂေး
နိုင်ငံနဲ့လူမျိုးအတွက်အသက်ပေးဖို့အဆင်သင့်ဖြစ်နေတဲ့
ဘနာဇီယာဘူတို
သမီးလေးပိုးပိုးရေ
ဖေဖေမေမေတို့အတွက် ဘာတစ်ခုမှ ပြန်ပေးစရာမလိုပါဘူး
ငိုသံတွေ ဆိတ်သုဉ်း လက်နက်ကိုင်အနိုင်ကျင့်ဝါဒတွေ
ကျဆုံးပြီး
စိမ်းလန်းတဲ့ သစ်ပင်တွေနဲ့ သန့်စင်တဲ့ လေထုတွေနဲ့
ငြိမ်းချမ်းတဲ့ ကမ္ဘာကြီးမှာ
သမီးလေး သက်တော်ရာကျော်ရှည်ပါစေသတည်း
သမီးလေး သက်တော်ရာကျော်ရှည်ပါစေသတည်း။
မင်းနဒီခ
ရုပ်ရှင်တေးကဗျာ ၊ ဇန်န၀ါရီ၊၂၀၁၂
No comments:
Post a Comment