အပြန်လမ်း
ပင်လယ်ကိုလှမ်းကြည့်လိုက်တော့
လှိုင်းသံမကြားရဘူး
ငါ့နားထဲ
ဆွံ့အနေတဲ့ တိမ်တိုက်များ
တရွေ့ရွေ့ထွက်ခွာသွားကြပြီ
အရောင်ဖျော့ဖျော့
ဆည်းဆာ
အတ္တကို
ခ၀ါချလိုက်သော နေရောင်များ
တစာစာအော်ခေါ်နေလဲ
ပြန်မထူးတော့တဲ့ ညနေ
အဝေးမှာ
ဘ၀ကို
ပိုက်ကွန်ထဲ ထည့်ဖမ်းပြီး ပြန်လာတဲ့ တံငါလှေကလေး
မဖြေနိုင်တဲ့မေးခွန်းတွေနဲ့
အထပ်ထပ်အခါခါ
ကျင့်သားရနေတဲ့ ကျောက်ဆောင်
သဲသောင်ပြင်ပေါ်
တစ်ချို့တစ်လေရဲ့
ထင်ကျန်နေသော ခြေရာများ
ဒီရေတိုက်စားမသွားသေးခင်
အိပ်တန်းပြန်မယ့်
ငှက်တစ်အုပ်နဲ့ပဲ
ငါ့စိတ်ကို
ထည့်ပေးလိုက်မိတယ်။
မင်းနဒီခ
ပုသိမ်ကြီးမြို့နယ်
မဂ္ဂဇင်း၊ ဖေဖော်ဝါရီ၊ ၂၀၁၃
No comments:
Post a Comment