အချစ်တေးကို
နားစွင့်ခြင်း
လာ အချစ် ကိုယ့်လက်ကို ရဲရဲတွဲ
မင်နီတွေ ကျဲပက်ထားတဲ့ စာမျက်နှာ အလွတ်တစ်ရွက်ထဲ
ခေါင်းဝင်တိုးလိုက် လက်ဝင်လျိုလိုက် အဲဒီလို
လူ့အလို နတ်အလို ဘာပဲလိုလို
ရန်ကုန်လမ်းညွှန်ရှိတယ်ဆိုလား
အရေးကြီးတာက မှတ်ပုံတင် လိုင်စင် ဘဏ်ချက်လက်မှတ်နဲ့
အခြား
ပြီးရင် အိမ်ထောင်စုဇယားမှာ ကိုယ့်နာမည်ကို
ထပ်ဖြည့်လိုက်
ရှေ့သွားနောက်လိုက်ဟာ ရွှေသွားနောက်ကိုပဲ
လိုက်နေတယ်ပြော ပြော
မောရင် ရပ်သွားလိမ့်မယ် ဟေ့ ကားဆရာ ရှေ့မှတ်တိုင်ပါတယ်
ဘတ်စ်ကားကျပ်ကျပ် ထမင်းနှစ်နပ်စာ လူ့အဖြစ်ရဲ့ သာယာမှုဟာ
ကဗျာထဲမှာတောင် ရှာမတွေ့နိုင်တဲ့ အရာ
ခေတ်က မင်္ဂလာဆောင်နဲ့ ဗလာမပါကံစမ်းမဲ
ဟုတ်ပ ဒုက္ခကို လှလှပပ ထုပ်ပိုးပြီး လက်ဖွဲ့
ပို့ပေးလိုက်ပါမယ်
သုံးစွဲရ အဆင်ပြေကြောင်း အထောက်အထားအာမခံ
ရရန်ရှိနဲ့ ပေးရန်ရှိ မနက်ဖြန်အတွက် ခွင့်တစ်ရက် နောက်
ရက်ဆက်
ကျွန်တော် ကျွန်မတို့မှ မပျက်မကွက်တက်ရောက်ကြပါရန်
ရက်စက်စွာ ဖိတ်ကြားလိုက်ပါတယ်ဆိုတဲ့ သတင်း
အတင်းအဖျင်းတွေ အတင်းအဖျင်းတွေ
မနာလိုကြားစကား အိုကေ နားထား
စည်းတစ်ဖက်မခြားခင်
လာ အချစ် ကိုယ့်လက်ကို ရဲရဲတွဲ
သီတင်းကျွတ်ပွဲလေး စလိုက်ရအောင်။
မင်းနဒီခ
No comments:
Post a Comment